Vawiin khan Lunglei HPC Vice-Chairman Pu S.Laldingliana hovin ama office chamber-ah Lunglei khawpui chhunga lirthei kal vel dan a mumal leh felfai zawk theih nan motor dahna tur ‘Parking Place’ leh motor dahna man ‘Parking Fee’ lak dan tur sawiho a ni.

Meeting kaihruaitu Pu S.Laldingliana chuan Lunglei-ah lirthei a pun chak em avangin Parking Fee lak hi tul ve ta nia a hriat thu leh parking Fee lak a nih pawhin mipui ten hrethiam a, sorkar ruahmanna zawm tha tura a duhthu a sawi. Meeting-ah hian STA Member Pu Lallianzuala Khenglawt, Lunglei DTO Pu R.Vanlalrengpuia bakah MVI leh MJA aiawhte an tel a ni.

Vawiina meeting-ah hian Parking Place hmunhma lo enfiah tur Committee din a ni a, Committee Chairman-ah Lunglei SDPO Pu B.Laldingnngheta ruat a ni a, Traffic O/C Pu Vanlalsanga chu Secretary-ah leh Members-ah MJA leh MVI te ruat an ni bawk. Meetinga-ah rel a nih angin anni hian a hma lamin an mawhphurhna bawhzui se tih a ni a. Parking Fee lak a nih chuan State Transport Authority-ah fee lak dan tur hetiang hian thlen nise tih a ni bawk : 1. Two-wheeler ah : Rs.5/- per hour, 2. LMV ah : Rs.10/- per hour leh 3). Heavy Vehicle ah : Rs.20/- per hour. Hei bakah hian Lunglei khawpui chhunga motor lian bungraw phur luh theih hun chu zing dar 7:00 thleng ni tawh se tih a ni.