1380/2022-2023
Aizawl, the 27th July 2022: Vawiin khan Agriculture Minister Pu C.Lalrinsanga'n video conference kaltlangin District Agriculture Officer leh Block Agricultural Officer ten meeting an nei.

Meeting-ah hian SEDP kal tlanga vaimim thar sawngbawlna (post harvesting management) atana pawimawh tak- a tih rohna (drying process) chungchang sawiho a ni a, hemi atan hian poly house siam tum niin, UV film hmanga tihrona hi siam tum a ni a. SEDP hnuaia district tina vaimim thar chhuah beisei zat leh tharchhuah (production) tihralna leh marketing chungchang sawi ho a ni bawk a.

DAO tin hnen atangin an District huam chhunga vaimim tharchhuahte chu animal feeds siam nana an tih ral theih an inrin vek thu ngaihthlak a ni a, a herna khawl (milll) pawh hmun thenkhata dah tura hmalak mek thu ngaihthlak a ni. Vaimim tharchhuah te hi AH & Vety Department bakah Society emaw private entrepreneur ten an lei thin tih tarlan a ni a. Vety Feed Mill ah hian Rs 24 per kg in quintal engemaw zat pek theih beisei a ni.

Heng bakah hian vaimim lo thar tan mek, rodent/sazu ten hmun thenkhatah an beihna lak atanga venhim dan tur chungchang sawiho a ni a, DAO te hnen atanga thu dawn danin, tun dinhmunah rodent/sazu hi a la tam lutuk lo tih ngaihthlak a ni a, Minister chuan District tina ATMA leh FOCUS te nen tangkawpin dinhmun chiang zawk hre turin DAO te chu a chah a ni.

Bekang leh Vaimim thar hmun hi Relay Cropping atan hman tura ruahman niin, hemi atan hian bekang mamawh zat tur te sawiho a ni bawk a ni.

Attachment

  • Loading attachment...