2109/2022-2023
Aizawl 29th September 2022: Vawiin khan Agriculture Minister Pu C. Lalrinsanga hovin a office chamber-ah Mizoram Sub-Committee on Draft Mizoram River Protection Bill an thukhawm.

Minister Pu C.Lalrinsanga chuan kan rama lui zawng zawng huam tur atana Bill siam chu sawrkar duh dan a ni a, chumi tihhlawhtlin nana ngaihtuahna seng zawng zawng hnenah lawmthu a sawi a. Naktuka Deputy Chief Minister Pu Tawnluia hova la rel tur chhawpchhuahna atana ngaihtuahna sengtu, vawiina lo kal khawm zawng zawng hnenah lawmthu a sawi bawk a ni. Minister chuan Dan siam chu a namai loh thu sawiin, The Mizoram (Protection of Rivers) Bill, 2022 tur duanah pawh hian dan leh hrai awmsa dal palh thei ennawn leh belh ngai leh paih ngai a la awm theih thu a sawi a. Tluantling taka kan kalpui theihdan tur en ho leh Clause belh ngai lai te la sawi ho a la ngaih zel tur thu sawiin, kan ram chhunga awm, lui leh a chhehvel humhalh chu kan tih makmawh a ni a ti a. India ram danpui- Preamble, Fundamental Duties leh Directive Principles of State Policies ah te chiang takin kan ram leilung chenna humhalh hi kan mawhphurhna a ni tih chiang takin a tarlang a ni tiin a sawi.

He hunah hian PHE Secretary Pu Lalmuanzova, Agriculture Secretary Pu J.Hmingthanmawia leh midangte an tel a ni.