Tukin zing dar 9:00 A.M khan Agriculture Minister Pu C. Lalrinsanga hovin Fall Armyworm chungchanga ICAR-Research Centres hrang hrang atanga, Mizorama lokal Scientists te leh Agriculture Department Officers te chuan tunlai a Mizoram a Vaimim tichhe mektu ( Fall Armyworm) tihrem nana thil tangkai leh tulte an sawi khawm a, he inkawmkhawmna hi Minister Bungalow ah neih a ni.

Meeting hi Pu C.Lalrinsanga Agriculture Minister in kaihruaiin Fall Armyworm tunhnaia Mizorama lo puang chiam mai hian Mizoram loneitute rilru nasa taka a tihbuai thu a tarlang a. Chutih rualin Mizoram tana thil thar a nih avangin Agriculture Department in, a tihremna kawnga theihtawp an chhuahzia a tarlang bawk. Agriculture Department leh Indian Council of Agricultural Research (ICAR) tangkawpin Agriculture Department hnuaia District Field staff te leh Extension functionaries te tana "State Level Training on Scientific Management of Fall Armyworm on Maize crop" nimina an buatsaih chu lawmawm a tih thu sawiin Mizoram Sawrkar leh Department ngenna leh sawmna ngaipawimawha ICAR-Scientists, rannung (insects) lama thiamna neibik (Scientists) lokalte hnenah lawmthu a sawi bawk a ni.

He inkawmkhawmah hian ICAR mithiamte chuan Mizoram Agriculture Department in Fall Armyworm doletna atana Rapid Response Team a siam chu tha an tih thu an sawi lang a. India ram State thenkhat, kum 2018-19 atanga Fall Armyworm in a lo tihbuai hmasak bik – Karnataka, Kerala leh Telengana state te atanga experience hrang hrang - Farmers ten Fall Armyworm an lo beihlet dan te, ICAR Research Station hrang hrangin Fall Armyworm Management lama Research an lo neihtawh dan te leh chung Research findings atanga Mizoram State tana tangkai thei tur te tarlangin Fall Armyworm lo puan avanga Mizoram Farmers te chiai lo tura an duhthu an sawi chhuak bawk.

Dr.J.C.Sekhar, Principal Scientist, All India Coordinated Research Project (AICRP) a Principal Investigator (Entomology), ICAR-lndian Institute of Maize Research (IIMR), Hyderabad chuan 2018 kuma Fall Armyworm in Telengana leh Andhra Pradesh State a Vaimim chingtute a tihbuai dan leh Vaimim bak thlai dang a tihchhiat loh thu sawiin, Fall Armyworm hian thlai 80 chuang a tichhethei tih report awm mahse heng States ah hian Vaimim bula chin -Fu (Sugarcane) leh Buh (Rice) te a khawihbuai lo a ni a ti a. Mizoram Farmers te tan hlauhthawn tur engmah a awm lo a ni a ti. India rama rannung (insects) Vaimim eichhetu hrang hrang a awmthu tarlangin, heng rannungte hi tunah chuan mumal taka ven theih vek an nih thu a sawi a. Fall Armyworm pawh hi Vaimim eichhetu rannnung 1 (pakhat) ve tho anih thu sawiin he rannung hi ven theih anih thu a tarlang bawk a ni. Government of India in Fall Armyworm venna turin damdawi (Insecticides) te, thlai atanga siam (Plant extracts) t,. Biological Control agents hrang hrang recommend a siam thu tarlangin, heng recommendation hi tha taka kan zawm chuan Fall Armyworm hi kan pumpelh thei a ni a ti.

He inkawmkhawmah hian Dr. Kesavan Subaharan, Principal Scientist. ICAR-National Bureau of Agriculture Insect Resources (NBAIR), Bengaluru pawhin thlai eichhetu rannung enkawl nana ecosystem balance a pawimawhzia sawi langin ICAR-NBAIR, Bengaluru   hian Biological control agents te, Predators te leh parasitoids hrang hrang, Fall Armyworm tihremna atana tangkai tak tak - Metarhizium unisopliae te, Nomuraea rileyi, Bacillus thuriengiensis variety kurstuki te, Predators hrang hrang - Trichogramma proteosum, Tenenomus remys  te, NBAIR in an kawlthu a tarlang a, Mizoram State Agriculture Department tan Training leh Mother culture an mamawh ang zelin an pek theih thu a sawi lang bawk.

ICAR hnuaia Indian Institute of Maize Research, (IIMR), Ludhiana in a Geo-reference recording of FAW incidence and recording programme, Mizoram Agriculture Department nena kalpui an tum thu tarlan a ni bawk a. FAW in thlai a beihna hmun bik GPS coordinate hmanga chhinchhiaha, Temperature leh Relative humidity te, Satellite Data hmanga chhinchhiah zel tum anih dante leh kum 4-6 data lakkhawm anih chuan FAW outbreak prediction Model tha tak siam tum anih dan te pawh sawilan a ni bawk.

Agriculture Minister chuan ICAR Scientists te hnenah State Department sawmna ngai pawimawha Mizoram a State Level Training pe tura an lokal theih avangin lawmthu a sawi a. Agriculture Department in Fall Armyworm tihremnana Biological Control Laboratory tih changtlunna atana ruahmanna a siam mekte pawh a lo hlawhtlin ngei theihna turin ICAR Scientist lokalte hi phungbawmah a sawm nghal bawk a ni.