Vawiin khan Lok Sabha MP inthlanna neih zawh taka Lunglei District huam chhunga Constituency 7  a vote tla te  chhiarna atan  Counting Supervisor, Asst. Counting Supervisor leh Counting Agent te  Convention Centre hall, Lunglei ah training pek an ni.

Training hi Pu T.T. Lalnunmawia, District Level Master Trainer in kaihruaiin Pu James Lalnithanga, Election Officer, Lunglei chuan vote chhiarna tura inpuachah dan sawiin Saikuti Hall Ground Floor ah Lunglei District huam chhunga Constituency 7 tan counting centre 7 siam niin table 60 dah a ni ang a, Counting Supervisor 60 leh reserve 12 an awm ang, Asst. Counting Supervisor 60 leh Observer puitu tur 7 dah an nih  tur thu a sawi. Counting Supervisor, Asst. Counting Supervisor leh Counting Agent te tihtur leh tih loh tur te a sawi a .Ni 22th May, 2019 chawhma dar 11AM ah Vote chhiarna a duty tur zawng zawng ten Saikuti Hall ah full rehearsal neih anih tur thu a sawi bawk.

V. Lalmuanpuii, ARO, West Tuipui leh District Level Master Trainer, EVM leh VVPAT chuan EVM leh VVPAT atanga vote chhiar dan leh hman dan te zirtirna neiin form chi hrang hrang fillup dan tur te a sawi tel bawk. Convention Centre a training zawh hian Counting Centre Saikuti Hall ah practical training neih zui ani.