Vawiin khan Pi K. Lalrinzuali, Deputy Commissioner, Lunglei kaihhruaina in a office chamber ah Lunglei khawpui chhunga Hotel leh Govt.Lodge te nen Hotel Regulation leh Registration chungchanga meeting neih ani.

Pi K. Lalrinzuali chuan Lunglei khawpui hi then thianghlim nan Hotel neitu leh Govt. Lodge ten an mikhual neihte eng mikhual nge an nih tih finfiah nan ID,  Adhar Card leh ILP an nei em, Foreiner an nih chuan Passport leh Visa an nei em tih felfai taka chhinchhiahna registration neih a ngaih thu a sawi. Hemi bakah hian Hotel leh Lodge te chu a thianghlim tur ani ati. Registration felfai taka vawn hian tunlaia sualna chikhat mihring hmanga sumdawnna ( human trafficking )chhuina kawng ah thui tak min pui thei dawn a ni ati bawk.

Pu C. Lalthanmawia, Supt. of Police, Lunglei chuan Mizoram hi ralmuang kan ti a, hemi denchhen hian miten suahsual rawng an lo bawl thei ani tih hriain Lunglei khawpui hi vawn thianghlim a tulzia a sawia Lunglei chhunga Hotel nei tu te leh Lodge hrang hrang ten an mikhual neihdan kim chang te leh an ID No te   chhinchhiahna felfai tak nei theuh turin a chah a ni.

Hotel leh Lodge hrang hrang ten registration an nei tur ani, a khat tawkin District Administration leh Police ten Hotel leh Lodge te en dik zeuh zeuh nise, Hotel leh Lodge tin ah rikrum thil a biak pawh zung zung theih nan Police Station  leh Fire Station Phone No te Room tin ah tar nise, Daily Report form siam a mahni awmna atanga Police station hnaiber ah kan mikhual neihdan kim changte ziak a theh luh thin tur tih ani tih hi lungrual taka pawm ani.

Attachment

  • Loading attachment...