No.2267/2021-2022

Aizawl, 17th September, 2021 : Vawiin khan Lungleng-I Vawkzawnparh chuan hnuai ram Lo zawh hun hman a ni a. He hun hi Agriculture Minister Pu C.Lalrinsanga, Bialtu MLA Prof Lalnunmawia, Dr Thiamsanga MLA bakah Chief Secretary Pu Lalnunmawia Chuaungo leh Agriculture Department hotuten an hmanpui a ni.

Vawkzawnparh Zau Lo zawh hun hmanna program tawi neihah Agriculture Minister Pu C.Lalrinsanga chuan thu sawiin," Lungleng khuain Agriculture lamah potential area ?ha tak a neihte nasa leh zuala chhawr ?angkai tula a hriat thu a sawi a,Vawkzawnparh zau chuan hnuai panna link road hman mek chu fur ruahtui tlak lai pawha Kuthnathawktu ten an chhawr ?angkai theih nan NABARD a?angin rigid pavement turin hmalak a nih tur thu a sawi.

Minister chuan Kuthnathawktu ten theihtawp chhuah a, kawla ni chhuak chhiara thlantui nena hna an thawh laiin Kharchhawng (Middle Man) ten kuthnathawktu aia uchuak taka a hlawkna an lo tel nasa zawk ?hin chu Sawrkarin tha lo a ti tih sawiin, hemi veng tur leh khawpuia cheng mipuiten awlsam taka kan ram thar chhuahte kan hmuh zung zung theih nan, Food, Vegetables & Livestock market chain management nghet, cooperative kalphung zul zuia, MAHFED leh MIZOFED te nena tang khawmin Sorkarin ruahmanna a kalpui mek tih a sawi a, Aizawl mipui mihring nuai 4 chuangte mamawh phuhru turin Aizawl hnaih tlangdungte in pawimawh hle dawn a ni a ti bawk.

Agriculture Minister Pu C.Lalrinsanga chuan Leilet neitute'n kum khata buh vawi hnih an thar theih nan Sorkarin Solar Water Pumping hmanga Leilet buh chawmna tur Lui tui lak chhuah a tum tih pawh sawiin hemi atan hian Phase-I atan Solar pumping khawl 200 leina tur sum pawh ruahman a ni tawh tih a sawi bawk.

Horticulture Board Vice Chairman leh Bialtu MLA ni bawk Prof Lalnunmawia pawhin thusawiin Ministerin a bial chhung Vawkzawnpharh zau a hmuhpui chu lawmawm a tih thu a sawi a, Sialsuk Leilet neihna hmunte pawh min lo hmuhpui tawh a, a tak taka thil ti a Loneitute hmunhma tlawhchhuak ngat ngat thin Minister kan nei hi Kuthnathawktute tan a thlamuanthlak hle a ni,' a ti a. Lo zawh hun buatsaihna chang Lungleng-I khuain an hria chu lawmawm a tih thu sawiin Lungleng khawtlang hi khaw taima an ni a, chaw leh chaw hmeha Aizawl chawmtu an ni hi an chhuanawm hle a ni, a ti. Sawrkarin Zau Panna kawng siam tura hmachhawp a nei mek hi a hlawhtlinna pawh kan hmu vatin a rinawm a, he hmasawnna hi a chhawrtu nih theuh tum ang u,'a ti bawk.

He hunah hian Health & Family Welfare Board Vice Chairman Dr Thiamsanga bakah, Chief Secretary Pu Lalnunmawia Chuaungo te pawhin thu an sawi a ni.

Vawkzawnphar Zau Lo zawh Hun hmanna hi Lungleng-I VCP Pu Lalbuatsaiha’n a kaihruai a,Pu Zothanmawia Secretary, Lo zawh Organising Committee chuan report pekna hun a hmang bawk. Vawkzawnpharh zauah hian chhungkaw 50 velin huan lo ram an nei mek a ni.