1271/2022-2023

Aizawl the 16th July, 2022 : Bangalore-a Ni hnih awh National Conference of Agriculture and Horticultue Ministers hmanga kal Agriculture Minister Pu C.Lalrinsanga chuan vawiin khan Mizoram lo lutin Lengpuia Bio Control Laboratory tur sak mek a tlawh a.Minister chuan Mizoramin  Bio Control Laboratory kan nei tur chu thil lawmawm tak leh kan state tana mellung pawimawh tak a ni a ti.

Lengpui khuaa Bio Control Laboratory hi Mizoram Sawrkar leh NABARD tangkawpin Cheng vaibelchhe 2.73 hmanga din tura hmalakna kalpui mek a ni a. Bio Control leb hi sak zawh a nih hunah chuan loneitute tan chhenfakawm tak tur niin buh leh bal leh thlai eichhe thei rannung leh hrik chi hrang hrang laka invenna leh a hrik thahna chi hrang hrang siam chhuah a ni tawh dawn a. Hlo hrisel lo leh chemical ang chi hmang lova Bio technology sang zawka thlai eichhetu thahna siamchhuah a ni ang a, vaimim eichhetu Fall Army Worm ngei pawh he laboratory atanga siam chhuah bio pesticide hmanga mihring tana him tak si a beih a ni tawh ang.

Lengpuia Bio control lab tih changtlun nan hian Minister chuan ICAR hnuaia National Bureau of Agricultural Insect Resources te nena tangkawpa hmalak a nih tur thu a sawi bawk.

Agriculture Minister hi Pu J. Rothanga, Jt Director leh Dr. Samuel Lalliansanga, Dy Director, Agriculture Deptt ten an tawiawm a ni.

Attachment

  • Loading attachment...