Vawiin khan ATMA Aizawl District huaihawt in,” Training of Farmers on Judicious use of Pesticides cum Agri Clinic” chu Phullen ah hman ani a. He programme ah hian Honb’le Minister of Agriculture , Pu. K.S. Thanga chu khuallian ani.

Agriculture Minister Pu KS Thanga chuan  Sawrkar in Kut hnathawktute hmasawn nan nasa tak a hma ala a, Kut hnawthawktute dawm kan nan a Sawrkarin NLUP leh NEDP a kalpui mek te pawh a takin a hlawhtlinna kan hmu mek ani, a ti a. Heng Sawrkar hmalaknate hi enliam mai leh thlah thlam mai Sawrkar chuan tha a ti lova, NLUP leh NEDP hmanga bultan leh a hlawhtlinna hmuh mekte hi tlo leh hlawk zawk a kuthnathawktu ten an neih zel theih nana hetianga mithiamte hmanga enkawl zui pui hi sawrkar chuan a tum tlat ani, a ti bawk.

Agriculture Minister chuan, Loneitu ten hma kan lo sawn a kan lo hlawk zawk theih nan a kan huan thlai enkawl nan Damdawi leh Pesticide te hi kan hman a pawi lova, mahse uluk tak leh dik tak a kan hman erawh kan tihtur ani a. Kan huan thlai enkawl nana kan Damdawi (Pesticide) hman te hian kan taksa tan hrisel loh na a thlen thei in dik lo taka kan hman chuan Natna hrang hrang a thlen thei a, he thil hi Central YMA pawhin ngai pawimawhin 2017 a an rorel chuan “Hlo tur leh rannung thahna hlo fimkhur taka hman anih theih nan hmalak ni rawh se” tiin a puang a ni, a ti a. Hemi hi ngai pawimawh in kan Sawrkar chuan vawiin ah pawh Phullen mipui te tan training hi a rawn buatsaih a, a ti bawk. Minister chuan Mizoram sik leh sa avang hian rannung leh natna ten kan huan thlai te leh kan Sangha leh ranvulh te a lo tihbuai thin avangin loneitu ten nasa takin kan tuar thin a, kan lo inven theih nan Damdawi te hi kan hmang tur ani a, Mahse a dose dik tak leh Mithiam, Department a thawk te thurawn ang a kan hman hi kan huan thlai, kan lei lung leh kan taksa hriselna atan pawh a pawimawh em em a ni, ati bawk.

Pu. J. Pachhunga, Phullen YMA president chuan thusawiin, hetiang Programme buatsaih ani hi ATMA , Aizawl District chungah lawmthu a sawi a, Pesticide leh Damdawi hman sual nasat avanga Hriselna leh leilung in a tawrh thei dan hi YMA pawhin a ngai pawimawh hle a, a theih tawpa hmalak zui an tum thu leh vawiin ni Agri-Clinic a  loneitu te tana damdawi sem te pawh dik tak a hman anih theih nan Phullen YMA chuan a enzui zel dawn a ni, a ti bawk.

He training programme hi Agriculture, Horticulture, Sericulture, Fisheries,Veterinary Department leh KVK Department ten tawiawm in Chawhnu lamah Agri Clinic hman a ni a. He hunah hian  Help Desk hrang hrang siam niin Loneitu, ranvulhtu, Sangha khawitu, leh Pangang khawitu ten Mithiam te rawnin an mahmawh ang damdawi te pek chhuah a ni a, Anti-Rabies Vaccination  neih a ni bawk.

He Training programme hi Pu. R. Lalnunzira, Project Director, ATMA , Aizawl District chuan kaihruaiin Phullen, Thanglailung, Phuaibuang leh Zawngin    atangin Loneitu 266 in he Training Programme  hi hmangin, mithiam te rawn na hun an nei a ni.