Nimin Dt 30th January,2018 khan  Agriculture  Minister Pu K S Thanga’n  Sialsukah  MLA LADs  sum Rs 55,000/- (Cheng Nuaih nga leh Sing nga) senga sak YMA  In cum Committee Room a hawng.

Kum 2016 – 2017 chhunga Sialsuk  Branch YMA  te  sak  YMA in mawi leh  tha taka  sak ani chu  lawmawm a tih thu Pu K S Thanga chuan sawiin YMA chu Upa Pawl  atanga naupang thleng khaikhawmtu ,midangte tuamhlawm  leh tanpui tura kut phar  thin an ni a, kan ramah hian  YMA awm ta lo  se Engtin  tak awm ang imaw,  kan ramah  YMA  a awm hi  a vanneihthlak hle ani tiin  YMA hna hi Pathian rawngbawlna  pawimawh tak  ani tih hriat reng a tul thu a sawi.

Sialsuk chu  Model Village atana thlan  a ni a, hetah hian pawisa a keng tel lo,mahse  ‘Awareness’ erawh a ngai hle a,chumi atana pawimawh ber tur chu YMA te an nih thu sawiin  hmasawnna te, thil tak tak leh pawimawh tak ti  hlawhtling tur chuan  rilru  hi  a intanna ber anih avangin a pawimawh  a ‘Engvangin nge  Sialsuk  hi Khawfai a nih loh ang’  tiin  Sialsuk khaw mipui te chu hemi atan hian tan la turin a fuih a.Tun dinhmuna khawfai dinhmun chelhtu Biate khua te pawh  han tlawh tur leh  chumi atana senso tur pawh a inhuam thu  sawiin  thil tha chu entawn ngam tur ani  ati  bawk.

Sialsuk  Branch President Pu Ramdinga kaihhruai vawiin programme ah hian Bialtu MLA – Agriculture Minister   chuan  a bial chhunga khaw kar kawng hrang hrang  tha zawk leh changtlung zawka  siamtha tura ruahman a nih dan leh hengah  te hian sum pawh  tihfel  ani tawh in hnathawh thuai theih beisei anih thu a sawi a. Vawiin lam ah  Lungsen lamah kalin  hmalakna tur hrang hrang te enfiah a tum nghal ani.