No.594/2020-2021


Agriculture, Cooperation leh Irrigation & Water Resources Minister Pu C.Lalrinsanga chuan ni hnih (23rd & 24th April, 2020)chhung Lunglei District khaw hrang hrang hengte – N.Khawlek, Buarpui, Bungtlang West, Changpui, Thenhlum, Tleu, Bunghmun West, Kawlhawk, Sertlangpui, Serte, South Lungdai, Ṭhuampui te a tlawh hnuah vawiin khan Lunglei khaw chhunga VLTF thenkhat  te a tlawh. 


Minister chuan COVID-19 dona kawnga Village Level Task Force te mamawh hrang hrang ngaithlain ruahmanna te a siampui a. District Task Force, VLTF-te leh Damdawiin te inpuahchahna felfai tak chu fakin, hrileng mekin engtik thleng nge a awh dawn a hriat lohva, kan hnaivai maia awm State leh ram dangah te a pung zel a, kan fimkhur lehzual a tul takzet a ni, a ti a. VLTF-te leh volunteer-te inpekna leh thawhrimna fakawm a tih thu sawiin an chungah lawmthu a sawi a, Covid-19 do zel tura kawng engkima hmalak pui chhunzawm ah a sawm bawk. 


COVID-19 avanga harsatna kan tawh mekah hian kuthnathawktute pawimawhna a lang chiang hle a ni tiin ei leh bar lama intodelh kawnga mitinten theihtawp kan chhuah a tul a ni tiin thlai chin leh chuktuah huan siamte uar sauh turin mipuite a chah bawk. 
Minister hian VLTF-te hi tanpuina sum fai leh invenna hmanrua – gloves, mask, sanitizer te a hlan a ni. 

Attachment

  • Loading attachment...