No.2998/2021-2022

Aizawl, the 15th November 2012 : Vawiin khan Agriculture Minister Pu C. Lalrinsanga chuan thu leh hla (literature) lamah ah a thawhhlawk avanga India civil mite chawimawina sang Padma Shri tun hnaia India President in a hlan Pu C. Kamlova chu lawmpuiin amah Office Chamber MINECO ah thingpui ruai a buatsaih sak a ni.

Pu C. Lalrinsanga chuan Pu C. Kamlova’n Padma Shri a dawnna chu a danglam bik riau nia hriat thu sawiin Hindi lamah a thiamna te, thu leh hlaa a kutchhuak te hi a chhuan awmin a ropui a, Zofate zingah chuan Hindi lama kan mi chhuanvawr a ni, a ti a. Zirna sang zawk te, private anga a zirchhuah vek ni chunga hetianga dinhmun sang tak mai a chang hi a ropui a, Hindi a Mizo history a ziah te hian India hmun dang, Hindi hman tamna ah te Mizo chanchin thehdarna kawngah hmanraw pawimawh tak a ni, a ti.

He hun hmanpuitu dang Pu H. Biakzaua, MLA leh Vice Chairman Agriculture Development Board ni bawk chuan Pu C. Kamlova chu Lai zinga Padma Shri dawng hmasa ber niaawm a hriat thusawiin tawng lamah talen a nei hausa te chu a ngaihsanawm hle a ti.

Minister leh MLA te hian Pu C. Kamlova hi lawmpuina thuziak leh thil pek a hlan a ni. He programme hi Pu J. Hmingthanmawia, Secretary, Agriculture; Pu Lalrinsanga, Registrar of Co-operative Societies leh MJA hruaituten an telpui a ni.

Tarlan tawh angin Pu C. Kamlova hi Literature lama a thawhlawk avangin nikum khan Padma Shri dawng tura thlan a ni a, kar hmasa mai khan he chawimawina sang hi New Delhi ah President of India in a hlan a. Pu C. Kamlova hian Hindi leh Nepali tawngah te lehkhabu engemaw zat lo ziak tawhin Nepali tawnga a lehbhabu ziah phei chu Sikkim Chief Minister hlui Pu Pawan Kumar Chamling pawhin a fak hle a ni.