No.2999/2021-2022

Aizawl, the 15th November 2012 : Vawiin khan School Education Department, Samagra Shiksha leh Sri Aurobindo Society ten an thawhdunna Auro Scholar Programme leh Creation of role model school chu Secretary Office chamber-ah online-a hawn a ni a, Secretary School Education Dr Lalzirmawia Chhangtein a hawng.

Programme hawnnaah hian School Education Secretary Dr Lalzirmawia Chhangte chuan thusawiin Sri Aurobindo Society te nen thawhdunna programme ?ha tak an hawng thei ta chu lawmawm a tih thu a sawi a. Sri Aurobindo Society te leh SSA Mizoram chuan March 12, 2018 khan Zero Investment Innovations for Education Initiatives (ZIIEI) chu an lo ziak tawh bawk a ni. He Zero Investment Innovations programme ah hian Pu Lalhmachhuana, SPD Samagra pawhin Certificate of Honour a lo dawng tawh a ni a ti. He programme-ah hian naupangten App hmangin an inziak lut thei dawn a. Auro Scholar programme atana Mizoram thlan a ni chu lawmawm a tih thu a sawi a, Secretary chuan Creation of role model school a hawng nghal bawk a. Hei hi 'Pathshaala App' tih a ni a, zirtirtuten anmahni duhdan mila nuam taka naupangte an zirtirna tura puitu a ni dawn a ni. He App atan hian school 26 thlan chhuah a ni dawn a, heng programme te hi Mizo naupangten an hlawkpui ngei a beisei thu a sawi.

Shashank Sivastava Manager Operations, Rupantar Aurobindo Society pawhin thu a sawi a. India ram state hrang hrang 36-ah leh UT-ah te he programme hi an lo kalpui tawh tih sawiin Mizoramah he programme an kalpui thei tur chu lawmawm a tih thu a sawi a. He programme hian zirtirtute chu zirtir tur chhawpchhuah sak leh zirlaite an zirlaia chak lo deuhte a pui thei dawn a ni a ti.

Vawiina hawnna hun kaihruaitu Pu Lalhmachhuana, SPD Samagra chuan he programme hawn tak hmang hian naupangten zirna an thiam leh thiam loh online-in an test ang a, an thiam dan a zirin scholarship an dawng thei dawn a, amaherawhchu scholarship hi he programme tum ber a ni lova, nitina an zir ennawn lehna atan kori a tu dawn a, hei hi a pawimawh lai zawk chu a ni a ti a. Class I-XII thleng a cover thei dawn a ni tih a sawi bawk.

Auro Scholar Programme hawn tak hi Covid-19 avanga naupangte zirna khaihlak loh nana School Education leh Aurobindo Society te thawhdunna a ni a. He programme hmang hian naupangten micro scholarship quiz an chhang ang a, thlatin naupangte chawk phur thei turin lawmman pawh siam a ni dawn a ni. He programme hi zirtirtuten an hriatthiam theih nan online session te pawh neih a ni dawn a, Zirtirtuten naupangte online hmang bawkin an hrilhfiah ve leh dawn a ni. Auro Scholar hi naupangte chawhphur nana thla tina lawmman siam a, khawvela micro scholarship programme hmasa ber a ni a. Kum 2019-a duan chhuah a ni a, Union Education Minister Ramesh Pokhriyala'n a lo hawn tawh a ni.