1988/2024-2025

Saitual, the 10th September 2024: Vawiin khan Bualphung zau, Tuivawl kamah ‘Maite lo zawh runpui’ hman a ni a, Agriculture Minister Pu PC Vanlalruata leh Horticulture Minister  Prof. Lalnilawma te chuan he hun hi an hmanpui.

He hunah hian Horticulture Minister, 9-Tawi AC bialtu ni bawk Prof. Lalnilawma chu lawm lian niin thu a sawi a, Maite lo zawh runpui an hmang thei chu lawmawm a tih thu a sawi. Minister chuan Maite khua chu sawhthing hmun tha tak a ni tih sawiin sawrkarin sawhthing chingtute tan theih tawp a chhuah mek zel a ni, a ti a. Sawhthing chu sawrkarin cheng ₹50 aia tlawm lo turin a man bituk tawh a, hei hian kuthnathawktute a khai chhuah theih a beisei thu a sawi bawk a ni.

Lawm zahawm Agriculture Minister Pu PC Vanlalruata pawhin thu sawiin kuthnathawktute an din chhuah theihna'n sawrkarin nasa takin ngaihtuahna a seng tih a tarlang a. Thlai chi li- aieng, sawhthing, hmunphiah leh hmarcha-ah te bul tan tawhin thlai dangah pawh hmalak tum zel a ni tih a sawi. Kuthnathawktu te'n phur taka hna an thawh theih nan thlai man bituk sa neih chu a tul tih a sawi bawk. Pu PC Vanlalruata hian lo zawh runpui hmang tura kalkhawm zawng zawngte chu hlim taka hmang turin duhsakna a hlan nghal a ni. 

Maite lo zawh runpuiah hian Pu Lalnunzira chuan hunserh hmangin, Pu K.C Zorinpuia chuan inhmelhriat tirna hun a hmang a. State Minister-te bakah Pu Ngursailoa Sailo pawhin thu a sawi a ni.