1987/2024-2025

2024 Mimkut thla ni 10: Vawiin khan International Literacy Day puala District Hub for Empowerment of Women (DHEW), District Programme Officer (WCD) Office, Lunglei leh District Education Officer (DEO) Office, Lunglei te ṭang kawpin Essay leh Drawing & Slogan Writing Competition a buatsaiha lawmmante chu Lunglei District Deputy Commissioner office chamber-ah sem a ni.

He hun hi Lunglei DPO (WCD) Pu C. Lalnunfela chuan a kaihruai a. Lawmmante hi District Bawrhsap Pu R. Pu R. Lalṭhazuala chuan a dawngtute kutah a hlan a ni.

Bawrhsap Pu R. Lalṭhazuala chuan lawmman la tute chu a lawmpui thu sawiin, vawiina an lawmman lak chu anmahni tiphurtu leh chona thar petu atana hmang a, hma lam hunah pawh an hriatna leh thiamna tat hriam tura intihsiakna hmachhawn ngam zel tur te, dinhmun sang tak thleng tura theih tawp chhuah zel tur te'n a fuih a ni.

International Literacy Day hi kum tin September ni 8-ah hman ṭhin niin, kumin hian he ni pual hian high school leh middle school zirlaite tan essay inziahsiak leh primary school pawl pum pui (all class) tan lemziak leh auhla (drawing & slogan) inziahsiak buatsaih a ni a. Intihsiakna thupuiah hian "Importance of Girl Child's Education" (Hmeichhe naupang lehkha zir pawimawhna) tih chu hman a ni.

He inelna hi sawrkar laipui hma lakna pawimawh tak Mission Shakti hnuaia Beti Bachao, Beti Padhao (BBBP) kal tlanga buatsaih niin, BBBP-in a tum ber chu India rama nau piang zat mipa leh hmeichhia inthlauhna nasa tak tireh tur leh nuin nau a pai laia hmeichhia nge mipa an nih khawl hmanga en lawk te, mipa leh hmeichhe dinhmun inkar zau lutuk tihreh leh hmeichhe naupang venhima tihhmasawn leh zirna ṭha zawk pe tura hma lak a ni.

Essay writing competition-ah hian high school level-ah R. Lalruatfela, CIass-X, Government Electric Veng HS chu pakhatna a ni a, Lalrozama Sailo, CIass-X, Government Electric Veng HS chu pahnihna niin, Jenny Lalmuanpuii, CIass-X, Government Bazar HS chu pathumna a ni a. Middle school level-ah Lalhriatpuia, Class-VII, Government Pukpui MS-I chu pakhatna niin, pahnihna Lalnunhlui Ralte, Class-VII, Government Pukpui M/S-I leh pathumna Lalhmangaihi, Class-VII, Government Pukpui M/S-I te an ni a. Lawmmanah hian pakhatna hnenah ₹ 5,000 leh certificate, pahnihna hnenah ₹ 3,000 leh certificate leh pathumna hnenah ₹ 2,000 leh certificate te pek an ni.

Primary school level pawl pum pui tana drawing & slogan writing competition buatsaihah 2nd Bn MAP English Medium School, Luangmuala Class-I zirlaite chu pakhatna niin, pahnihna Govt Zotlang P/S-II-a Class-IV zirlaite leh pathumna 2nd Bn MAP EMS-a Class-IV zirlaite an ni a. Govt Zotlang P/S-II-a Class-III zirlaite leh 2nd Bn MAP EMS-a Class-III zirlaite chuan consolation prize an dawng bawk a. Lawmmanah hian pakhatna hnenah ₹ 15,000 leh certificate, pahnihna hnenah ₹ 10,000 leh certificate, pathumna hnenah ₹ 8,000 leh certificate bakah, consolation prize dawngtu class pahnih hnenah ₹ 5,000 leh certificate te pek an ni.