1986/2024-2025

2024 Mimkut thla ni 10: National Highway 302 Lunglei - Tlabung kawng laih zauh hna thawh mek chu tun dinhmunah laih zawh a la nih loh avangin hna thawktute'n hna chak zawka an thawh theih nan leh lirtheia tei vakte an lo him zawk nan, Lunglei District Superintendent of Police Pu J. Lalmuankima chuan The Motor Vehicles Act, 1988 section 115/117 leh Government of Mizoram Notification No.B.12012/10/2004-TRP Dt.1.6.2020 tlawh chhana lirthei lian chi, Heavy Motor Vehicle (HMV) tlan dan tur ruahmanna siamin, nimin khan a hnuaia mi ang hian hriattirna a chhuah.

"Lunglei to Tlabung road-ah hian zing dar 5:00 aṭanga chawhnu dar 2:00 thleng Lunglei lam leh Tlabung lam aṭangin Heavy Motor Vehicle reng reng, bungrua phur leh phur lo pawh tlan phal a ni lo vang."

"He thupek hian ni 11.09.2024 aṭanga thu leh awm hma chu a huam ang. Hei hian dan leh thupek kengkawhtu Police, Magistrate duty, Fire & Emergency Service, Medical Duty, Disaster Response Force-te leh a bika Superintendent of Police, Lungleiin phalna a pekte chu a huam lo vang."