4485/2024-2025
AIZAWL; the 28th February, 2025 : Vawiin chawhma dar 11:00 khan Agriculture Minister Pu PC.Vanlalruata chuan FOCUS Project hnuaia MUALKAWI-TUIRINI REHABILITATION LINK ROAD a hawng. He Link Road hawnna inkhawm tawi hi Tuirini kam, Baktawngah hman niin, programme hi Pi Lalengzami Haolai, State Project Director, FOCUS-in a kaihruai a ni.
He Link Road hawnna inkhawm tawi-ah hian thu sawiin, Hon’ble Agriculture Minister Pu PC. Vanlalruata chuan a bial chhunga FOCUS ten Link Road tha tak, nul leh huan siam chhungkaw 100 dawnin an chhawr tur an sial zo chu lawmawm a tih thu sawiin, hna tha taka thawktu Vinco Construction chungah pawh lawmthu a sawi bawk. Minister Mizoram district hrang hrang a kalnaah kuthnathawktu ten an mamawh an thlen tam ber chu Link Road hi a ni, a ti. Tunah hian Link Road sial sak tura dilna hi 3000 vel a lut tawh a ni tiin, Pu Ruata chuan Mualkawi – Tuirini Link Road chu a chhawrtu tur ten tangkai thei ang bera an chhawr theih nan leh kuthnathawk chhungkua te hnena malsawmna nasa tak a thlen theih nan duhsakna a hlan bawk a ni.
Pu T. Vanlalzara, JE, PMU-FOCUS chuan technical report pein, report-a a tarlan dan chuan Link Road kawng thui zawng hi 4.6Km niin, Existing Link Road a rigid pavement (GSB & Concrete) siam a ni a. kawng zau zawng hi 8ft 2.4inch niin, 5 inch a chhah GSB leh 4 inch a chhah concrete phah a ni a. Loink road siam nan hian ₹3,33,45,528/- sen a ni. R.S. Construction te consultation hnuaiah Vinco Construction ten kawng phah hna hi an thawk a ni.
