DIRECTORATE OF INFORMATION & PUBLIC RELATIONS, Government of Mizoram, India

2739/2022-2023

Lunglei the 20th November, 2022 - Nimin khan Agriculture Minister Pu C.Lalrinsanga chuan Nghasih Zau,Lunglei District a tlawh.

Nghasih Zau Pu C.Vanlalsawma thlama inkhawm tawi buatsaihah Agriculture Minister Pu C.Lalrinsanga chuan thu sawiin Lunglei khawpui hnaih a Agriculture Potential area tha tak Nghasih Zau chu ngaih pawimawh a țul thu a sawi a, A hmun hma mit ngeia rawn hmuh hian Land development atana hma thar lak theihna pawh a awm nual niin alang tih sawiin a panna kawng țha tawklo chu ngaih pawimawh hmasak a tul thu a sawi bawk.

Pu C.Lalrinsanga chuan Kuthnathawktute hmasawnna turin Sawrkarin theihtawp a chhuah zel dawn a ni tiin Nghasih zau hian Lunglei chawm turin rilru lo siam ula chumi a hlawhtlin theih nan chuan Sawrkar ang pawhin theih tawp kan chhuah dawn a ni a ti.

Agriculture Minister chuan PM Kusum kaltlangin Nizung chakna hmanga tui pump-na, Solar Water pump 200 Quota kan neih chu 1500 ah tih pun leh a ni, a ti a. PM Kusum hi tum anga a hlawhtling thei anih ngat chuan țhal va ek charah pawh Nghasih zauah tui pump theih dan kawng a awm a beisei awm.Chutianga kan kal thei anih ngat chuan Lunglei Khawpui Thlai thar mamawh hi engemaw chen kan phuhruk theih a rinawm a ti bawk.

Agriculture Minister Pu C.Lalrinsanga chuan a department hmalakna hrang hrang pawh sawi langin RKVY ațangin Solar Cold storage 12 siam tura ruahmanna kalpui a ni a,Cold storage 6 tender mek a nih thu te,Thlai Eichhetu Rannung, Rannung hmang veka thahna Bio Control Laboratory,Lengpuia sak meh chu hawn țep anih thu leh Tissue culture hmanga Alu chi siamna,Thingdawlah din tum a nih thu te a tarlan bakah Rambua tawh tuai thar lehna tur Chemical tello Leitha OP12 Bio Fertilizer siamna Sihphir,Neihbawih ramah din fel anih tawh thute a tarlang bawk.

Nimin Nghasih Zau tlawh inkhawm tawi hi Pu Lalhmuzuala Sailo President,Nghasih Zau Farmers Welfare in a kaihruai a,Pu PC Vanlalsawma ,Vice President chuan report a pe bawk.

Agriculture Minister hi Pu C.Malsawmkima DAO,Lunglei bakah Department hruaitu dang ten an țawiawm a ni.

Attachment