Vawiin khan Agriculture Department, Committee Room-ah District Agriculture Officer, Deputy Directors leh Directorate of Agriculture hnuaia Section Officer-te chuan meeting pawimawh tak an nei. He meeting  Pu C. Lalzarliana, Joint Director of Agriculture kaihhruai ah hian District Agriculture Officer-te chuan NWDPRA, WDPSCA, MMA, ISOPOM, ATMA, Organic Programme, NPMSF leh NLUP hnuaia an hmalakna hrang hrangte report an pe a. NWDPRA hnuaia hian Micro Watershed 140 enkawl mek a ni a, WDPSCA hnuaiah 61 Watershed enkawl mek a ni a, ISOPOM hnuaiah Oil Palm 6521 Ha enkawl mek a ni.
District Agriculture Officer-te chu an hnathawh hrang hrangte ngun taka vil a, record tha taka vawng theuh turin an inchah nghal bawk. He Progress Review meeting neihzawh hian District tin ten CSS leh State Plan atanga hmalakna kal mek te chipchhiar taka zir hona neih a ni a. Hmalakna chi hrang hrang te pawh tun dinhmunah chuan tha thawkhata hriat a ni a. Agriculture hi Season based a hna thawh a nih avangin a hun taka hma lak zel hian kan hnathawh te pawh a hlawhtling thei a ni tih hre rengin theih tawpin a hun takah an hna te thawk theuh turin leh record tha taka vang theuh turin an inchah nghal bawk.