Vawiin khan Food , Civil Supplies & Consumer Affairs (FCS&CA) Minister Pu H. Rohluna kaihhruaiin 4th Mizoram State Consumer Protection Council Meeting chu I&PR Conference Hall-ah neih a ni.
Meeting hawnna thu sawiin Pu H. Rohluna chuan consumer rights chungchangah mipui te leh dawrkai te kan harh thar sawt hle a ni a ti a. Tunlaia Mizoramin harsatna chi hrang hrang kan tawh - Buhfai, LPG leh Oil hralh ruk chungchangah te, Manipur buai avanga POL chungchanga harsatna te, khawnvartui chungchangah leh Public Distribution System (PDS) chungchangah te Sorkar chuan hma a la mek a ni a ti. Mipuiin kan mamawh zual bik Buhfai leh LPG ah te hma lak uar zual a ni tih a sawi a. Legal Metrology Inspector pali (4) lak thar niin district hrang hrangah dah an ni tih a sawi bawk.
Mizoram State Consumer Protection Council Meeting 2009 in a lo rel tawh bawhzuia hmalakna te thlir ho a ni a. District tinah Rs. Nuai 2 theuh Consumer Awareness Campaign atan pek a ni a, Central-ah fund dil belh mek a ni bawk. Consumer Affairs leh Legal Metrology department te kaikawpa Directorate hran buatsaih turin hma lak mek a ni a. Legal Metrology Inspector pali (4) lak thar niin district hrang hrangah Secondary Standard Laboratory 1 leh Working Standard Laboratory 4 din turin hma lak mek a ni bawk. Consumer Affairs hnuaia State Commission ah hian case 170 ziah luh ni tawhin case 165 chinfel a ni tawh a, District Forum hrang hrangah case 3651 ziah luh ni tawhin case 2581 chinfel a ni tawh bawk. Kum 2008 atang khan State Consumer Helpline din a ni a, phone number 2300488 ah biakpawh theih reng a ni.
4th Mizoram State Consumer Protection Council Meeting 2010 chuan State level leh District level ah Vigilance Committee on PDS siamthata inkaihhruaina (guidelines) felfai tak siam a rel a. Prevention of Food Adulteration Rules hnuaia Food Labeling Rules chu chak zawka kalpui ni se a ti bawk. District Forum te chak zawka kalpui a nih theih nan Secretary FCS&CA hova meeting neih thin bakah training pek thin ni se tiin hemi atan hian fund dil ni se tih rel a ni a. Consumer awareness chak zawka kalpui a nih theih nan Consumer organization, branch leh mimal ti tha te hnena lawmman pek rem tih a ni bawk. Legal Metrology staff ten AAY/BPL buhfai a dawngtu ten dik leh tling takin an dawng em tih enfiah thin se tih a ni a, Legal Metrology staff te awm lohna ah chuan FCS&CA in hma la se tih a ni bawk. Legal Metrology staff te awm lohna khuaa LPG agent ten LPG sem tur an phurh luh reng reng Local Civil Administration hnenah report zel ni se tih rel a ni a. District Forum hrang hrangte leh district thuneitute hnen atangin district tina District Forum building sak chungchang te, District Forum tin tana Central Sorkar-in hmanrua a pekte hman tangkai a nih dan leh NIC hnuaia CONFONET scheme kalpui dan te ngaihthlak a ni bawk.
Meeting ah hian Pu R. Lalrinawma MLA, Law Commission Chairman te, Pu Lalduhawma MLA te, Pu C. Thanchhuma, IAS Aizawl DC te, Pi M. Zohmingthangi , IAS Lunglei DC te, district dang DC aiawh te bakah a kaihhnawih department aiawh leh NGO te, State leh District Consumer Union te an kal tha hle a. Pu K. Riachho IAS, Secretary FCS&CA chuan Vote of Thanks sawiin meeting hi a khar a ni.
Mizoram State Consumer Protection Council Meeting 2009 in a lo rel tawh bawhzuia hmalakna te thlir ho a ni a. District tinah Rs. Nuai 2 theuh Consumer Awareness Campaign atan pek a ni a, Central-ah fund dil belh mek a ni bawk. Consumer Affairs leh Legal Metrology department te kaikawpa Directorate hran buatsaih turin hma lak mek a ni a. Legal Metrology Inspector pali (4) lak thar niin district hrang hrangah Secondary Standard Laboratory 1 leh Working Standard Laboratory 4 din turin hma lak mek a ni bawk. Consumer Affairs hnuaia State Commission ah hian case 170 ziah luh ni tawhin case 165 chinfel a ni tawh a, District Forum hrang hrangah case 3651 ziah luh ni tawhin case 2581 chinfel a ni tawh bawk. Kum 2008 atang khan State Consumer Helpline din a ni a, phone number 2300488 ah biakpawh theih reng a ni.
4th Mizoram State Consumer Protection Council Meeting 2010 chuan State level leh District level ah Vigilance Committee on PDS siamthata inkaihhruaina (guidelines) felfai tak siam a rel a. Prevention of Food Adulteration Rules hnuaia Food Labeling Rules chu chak zawka kalpui ni se a ti bawk. District Forum te chak zawka kalpui a nih theih nan Secretary FCS&CA hova meeting neih thin bakah training pek thin ni se tiin hemi atan hian fund dil ni se tih rel a ni a. Consumer awareness chak zawka kalpui a nih theih nan Consumer organization, branch leh mimal ti tha te hnena lawmman pek rem tih a ni bawk. Legal Metrology staff ten AAY/BPL buhfai a dawngtu ten dik leh tling takin an dawng em tih enfiah thin se tih a ni a, Legal Metrology staff te awm lohna ah chuan FCS&CA in hma la se tih a ni bawk. Legal Metrology staff te awm lohna khuaa LPG agent ten LPG sem tur an phurh luh reng reng Local Civil Administration hnenah report zel ni se tih rel a ni a. District Forum hrang hrangte leh district thuneitute hnen atangin district tina District Forum building sak chungchang te, District Forum tin tana Central Sorkar-in hmanrua a pekte hman tangkai a nih dan leh NIC hnuaia CONFONET scheme kalpui dan te ngaihthlak a ni bawk.
Meeting ah hian Pu R. Lalrinawma MLA, Law Commission Chairman te, Pu Lalduhawma MLA te, Pu C. Thanchhuma, IAS Aizawl DC te, Pi M. Zohmingthangi , IAS Lunglei DC te, district dang DC aiawh te bakah a kaihhnawih department aiawh leh NGO te, State leh District Consumer Union te an kal tha hle a. Pu K. Riachho IAS, Secretary FCS&CA chuan Vote of Thanks sawiin meeting hi a khar a ni.
Attachment
- Loading attachment...
