Vawiin chawhnu dar 1:00 khan India ram pum huapa kumtin Mit pek chungchanga beihpui hman thin 'National Eye Donation Fortnight' vawi 25-na chu Pu Lalrinliana Sailo, Health Minister chuan Chanmari YMA Hall ah khuallian niin a hawng.
Hawnna inkhawmah hian Minister chuan mihring taksa tana mit pawimawhzia te, Health Department-a State Blindness Control Society hmalakna avanga Mizoram-ah ngei mit thlak theih a lo nita te leh mi 13 laiin an mit phal taka an pek avang te, heng mi inphalte avanga mi 17 laiin khaw eng an lo hmuh phah thei ta chu lawmawm a tih thu a sawi a, mit pe (donate) tu te chhung hemi hun hmang tura a bik taka sawm hnenah chawimawina Certificate a hlan a, MLA discreation fund atangin lawmthu sawi nan Rs. 500 theuh a pe bawk a ni. Minister hian National Eye Donation Fortnight denchhen a High School zirlai hnuailam te tana Slogan inziah siakna a lawmman dawngtute hnen ah lawmman a sem bawk.
Dr. F. Lalhmingthanga, State Programme Officer, NPCB chuan lawmna thu sawiin National Eye Donation Fortnight hman chhoh a lo nih dan sawiin, Dr. K. Lalremsanga, Head of Department, Eye Deptt. Civil Hospital chuan an hnathawh dan leh mit pek leh an thlak dan te power point hmangin a sawi a, Dr. Lalbiakkima, Medical Supdtt. Civil Hospital Aizawl chuan lawmthu sawina a nei a ni.
Tun dinhmunah hian Mizoram ah khawhmuh fiahlo mi 7800, mitdel 1253 awmin mitpual (cataract) mi 200 chuang an awm bawk. 25th National Eye Donation Fortnight thleng hian Mizoram pumah Thih hnu a mit pe phal mi 561 an awm a, mit thlak ngai inziak lut tawh 64 an awm bawk.
Dr. F. Lalhmingthanga, State Programme Officer, NPCB chuan lawmna thu sawiin National Eye Donation Fortnight hman chhoh a lo nih dan sawiin, Dr. K. Lalremsanga, Head of Department, Eye Deptt. Civil Hospital chuan an hnathawh dan leh mit pek leh an thlak dan te power point hmangin a sawi a, Dr. Lalbiakkima, Medical Supdtt. Civil Hospital Aizawl chuan lawmthu sawina a nei a ni.
Tun dinhmunah hian Mizoram ah khawhmuh fiahlo mi 7800, mitdel 1253 awmin mitpual (cataract) mi 200 chuang an awm bawk. 25th National Eye Donation Fortnight thleng hian Mizoram pumah Thih hnu a mit pe phal mi 561 an awm a, mit thlak ngai inziak lut tawh 64 an awm bawk.
