Vawiin chawhnu dar 1:00 khan  AH&VETY Minister Pu Nihar Kanti  Chakma pisa ah AH&Vety Department Consulative member te chu   Sairang Piggery Village leh Pukpui Piggery Village chungchang leh Vety department hmalakna thenkhat te ngaihtuah in an thukhawm.

AH&Vety Department Consulative Committee chuan Sairang khaw ramchhunga awm Piggery Village leh Pukpui khaw ram chhunga Piggery Village te chu Vety Department in  enkawl chhunzawm tawh lo se ti in a rel a. Tuna heng Piggery Village a chengte chu an chen mek na in chu an thiah leh hralh phal sak  an ni lova, an electric bill pawh an mahni senso atanga  tum tur a tih a ni bawk. Heng Vety Department in te hi tuna luahmek tu te'n an chhuah san hun chuan Department in tul a tih ang in a seng fel ang tiin thu tlukna an siam nghal.He meeting ah hian tuna Thenzawl ramchhunga Vety Department enkawl ranchaw chinna huan (Fodder Farm) tih chang tlun dan tur leh Consulative Comitteein dt 8.10.2009 meeting a a lo ngaituah tawh Integrated Dairy Development Project(IDDP) Lunglei leh Kolasib chungchang te pawh zirchian nghal a ni.Vety department hotute chuan Vety department enkawl milk processing plant, IDDP te thawmthat nan 'Clean Milk Project' cheng nuai 497  a siam tawh thu leh chu chu tih  fel mai beisei a nih thu meeting ah hian an sawi chhuak.

Vawiin Consulative Committee ah hian member te an  kal tha hle a - He Meeting hi Pu Nihar Kanti Chakma, Minister Of State leh Consulative committee Chairman a kaihruai ah hian Pu Selthuama, MLA, Chairman, NLUP Implementing Board, Pu R.Lalrinawma, MLA, Chairman, Mizoram Law Commission, Pu R.L. Pianmawia, MLA, Deputy Chief Whip, Dr.R.Lalthangliana, MLA, AH&Vety Secretary Pu T.Sangkunga leh  AH&Vety Director Dr.L.B.Sailo te bakah Official thenkhat an tel.