Chief Minister Pu Lal Thanhawla chuan vawiin khan zankhat riak turin Thenzawl a tlawh a, chawhnu dar 2:30PM khan PWD IB-ah 54th KTP General Conference Organising Committee-te nen inkawmhona hun an hmang a. Kum 2012-a KTP General Conference an thlenna tur atana sum an mamawh turte ngaihtuahpuia hmalak pui turin Chief Minister chu an ngen. Kum 2012-a KTP General Conference hma ngeia Thenzawl khua cheithat nan Lau lui dung cheite, khawchhung kawngpui siamthatte, water supply, electrification leh tul dangte Chief Minister hnenah chuan an thlen bawk.
Chief Minister chuan Thenzawl chu sorkarin chei that tuma hma a lak mek thu leh master plan-te pawh duan anih tawh thute a hrilh a, len thawven nan leh hahchawlh nan Thenzawl hmun vela park zau tha tak siam a duh thute sawiin an ngennate chu a theih anga a lo bawhzui sak tur thu a hrilh bawk. Ram, ramngaw leh nungcha humhalh kawngahte tun aia uar lehzuala tan la turin a chah bawk a ni.
Salvation Army, Thenzawl CO bialten nakum October, 2011-a rampum huap Youth Congress an thlen tur atan leh UPC (NEI)-ten North Mizoram Pastor Bial Conference an thlen tur atan an mamawhte Chief Minister hnenah an thlen a. Tin, Joint YMA leh pawl hrang hrangten Chief Minister chu kawmin an harsatna leh mamawh hrang hrangte a hnenah an thlen bawk a, Chief Minister chuan a theih anga a lo bawhzui sak tur thu a hrilh hlawm a ni.
Chief Minister hi naktukah Trauma Centre and Blood Bank hawng tur leh MPSC Exam Centre hawng turin Serchhipah a chho ang.
Salvation Army, Thenzawl CO bialten nakum October, 2011-a rampum huap Youth Congress an thlen tur atan leh UPC (NEI)-ten North Mizoram Pastor Bial Conference an thlen tur atan an mamawhte Chief Minister hnenah an thlen a. Tin, Joint YMA leh pawl hrang hrangten Chief Minister chu kawmin an harsatna leh mamawh hrang hrangte a hnenah an thlen bawk a, Chief Minister chuan a theih anga a lo bawhzui sak tur thu a hrilh hlawm a ni.
Chief Minister hi naktukah Trauma Centre and Blood Bank hawng tur leh MPSC Exam Centre hawng turin Serchhipah a chho ang.
