Vawiin chhun dar 12:00 khan Pu Zodintluanga Sport Minister in State Sport Academy Zobawk hmun tur a tlawh Minister chuan he Sport Academy thawh chhunzawm nan Cheng Vaibelchhe 17 sanction a nih tawh thu sawiin First Instalment atan cheng vaibelchhe 6 released anih tawh thu a sawi bawk.He sum hi Sport department chuan PWD kuta dah anih tur thu a sawi bawk. He State Sport Academy Zobawk a siam hna hi kumin chhunga hna tan hman beisei a ni, a ti.
Hemi hma zing dar 7:00 khan Minister Residence ah LDSC hruaitute nen meeting an nei bawk. LDSC hruaitute chuan Minister hnenah Lunglei District ah Catch Them Young policy tih puitlin an ngenna pawh Minister hian LDSC hruaitute kutah hmalakna leh ruahmanna chu a dah a ni. SAI Extension Centre, LDSC Ground II a ruahman awm pawh Minister chuan kalpui mek a nih thu a sawi. He centre ah hian Sport Discipline 4 kalpui tum a ni a ti. Building lo awm tawh pawh sak chhunzawm a contact sport centre atan hman theih tura ruahman anih thu a sawi bawk. LDSC hruaitute chuan Discipline 4 bakah TT Court, Volley Ball Court te pawh dah belh nise, building chhawng chung pawh sport complex office ah siam nise tih an thlen pawh Minister hian theihtawp a bawhzui a tum thu a sawi bawk.
