Minister chuan department in a chi tur atan a bean a chin French bean chu a chi tha tur mithiam ten uluk taka an enkawl a nih thu a sawi a. A hming atan Chief Minister Pu Zoramthanga leh a ma hming chawia ‘Zorin’ tih phuah a nih thu a sawi. Minister chuan seed production programme hnuaia thlai dang dangah pawh a chi tha tih chhuah tum a nih thu sawiin kuthnathawktute hnena thlai chi tha lo supply thin chu tih tawp zel a nih tur thu leh thlai chi tha chin a nih theih nan mithiam te leh thalai zawkte kutah mawhphurhna tam zawk pek a nih tur thu a sawi bawk. Agriculture Minister chuan Mizoram sawrkar hnuaia Agriculture department in a tum lian ber chu Buh leh thlai a intodelh a ni, a ti.

French bean “Zorin” hi Chemphai Agriculture Research and seed production farm ah 9.11.2019 khan 0.50 hectare a zau ah chin tan a ni a. Harsatna awm lo a seng theih a nih chuan a chi quintal 20 tharchhuak tur a beisei a ni.

Minister hian Irrigation and water resource department hmalaknaa sak Lungdawh zau Leilet chawmna tur a tlawh a, Chemlui leh Thingdawl lui atangin tui lak niin a dahkhawlna tur a vang metres 40 leh a dung metres 50 a lian pawh siam fel tawh a nih bak ah leilet a sem chhuahna tur tui kawng pawh siam zawh tawh a ni. Hei hian Lungdawh zau a leilet 70 hecter a zau chu kumtluanin a chawm thei tura ngaih a ni a hna hi 98% thawh zawh tawh a ni.

Minister hi Agriculture R&E Director Pu Saithantluanga, Insecticides analyst Dr Samuel Lalliansanga, Irrigation and Water resources Kolasib district EE Pu Lalchhandama leh official thenkhat ten an tawiawm a ni.

Attachment

  • Loading attachment...