Vawiin chawhma dar 10 : 30 khan AH & Vety Department chuan an Policlinic Conference Hall-ah kum 2016 - 2017 chhunga an department hmachhawpte nasa taka a hlawhtlin theih nan tan lak dan tur an Director, Dr.Saingura Sailo hovin an sawiho.

He hunah hian Dr.Saingura Sailo chuan an Officer kalkhawmte fuihna thu sawiin, kum dang zawng aia nasa zawka an hna lamah inpe turin a sawm a ni.

Chawhma programme-ah hian Work Culture and Ethic tih chu Dr.K.Rokhawla, Joint Director (A) chuan sawifiahna neiin, Dr.Daniel Chianghnuna, Joint Director (B) pawhin Farm enkawlna lam hmalak dan tur a sawifiah a, Dr.Hmarkunga, Joint Director (LH) chuan Revenue Target and its Mobilization chungchang a sawi bawk.

AH & Vety Department hian nasa zawka Vawk, Ar leh Bawngte tihpun anih a, Mizoramin Sa, Artui leh Bawnghnute-ah te intodelh nan tan lak nasat an tum a ni.