2554/2024-2025

Champhai, 16th October 2024: Vawiin khan Champhai District AH &Vety Department  huaihawtin Hnahlan leh Khuangphaha tual bawng vulhtute tan Hnahlanah Farmers’ Training on Upgradation of Indigeneous Cattlle (under Rashtriya Gokul Mission) neih a ni.

Training hi Dr. Lalbiakzuala Sailo, DAH&VO in a kaihruai a, Dr. B. Lallawmsanga Dy. Director (Cattle and Mithun Development), Directorate of AH&Vety, Aizawlin bawng vulhtu kalkhawm te chu zirtirna a pe a ni. 

He training-in a tum ber chu Hnahlan leh Khuangphaha tual bawng vulhtu ten an ran vulh atanga bawnghnute tam zawk leh bawng lian zawk an neih theih nan Artificial Insemination hmanga an bawng vulh te tihhmasawn a ni. He trainingah hian ran vulhtu ten Bharat Pashufhan portal kaltanga an ran te register zel a ngaih thu te in hrilh hriat a ni a, ran hri venna pek a pawimawh zia te, an ranvulhte natna chi hrang hrang laka an him theih nan vaccine pe ziah tur leh department a thawkte tawiawm a pawimawh zia te inzirtir a ni bawk. 

Vawiin vek hian Tualcheng leh Lungphulian khuaah District Vety Hospital, Champhaia Veterinary Officer Dr. P.L. Lalruatfela leh a staff ten FMD vaccine pein an fehchhuak bawk.