2553/2024-2025
Aizawl, 16th October, 2024: Labour Employment Skill Development and Entrepreneurship (LESDE) Department leh National Skill Development Corporation International te ṭangkawpin, Japan rama caregiver hna thawk duhte tana inhrilhhriat leh zualna hun “ Awareness Seminar on Caregiver Program in Japan’’ chu buatsaih a ni.
Sompo Care Inc Japan atangin Mr. Jin Enamoto, Manager, New Business Development in Asia Pacific leh Mr. Kazunari Honda, Sr. Leader, Global Strategy ten he hun hi an rawn hmanpui a, an company chungchang leh India rama ṭhalai tam tak ten Japan rama eizawnna an neih theihna atana caregiver hnaruak an neih dan te leh an thawh theih dan tur te, an nitin hnathawh dan tur leh an hamṭhatna hrang hrang awm thei te an sawi a.
Mr. Sunny Kumar, Manager, NSDCI chuan, Interview leh admission tih dan te tarlangin, Japanese ṭawng zir chhung leh senso ngai te, exam awm thei chi hrang hrangte leh hriattur pawimawh Skill loan awm thei chungchang te tarlangin, kal khawm ten zawhna an neih apiang chhanna hun buatsaih a ni bawk.
He hun hi Pi Angela Zothanpuii, Director, LESDE chuan a hmanpui a. Department in a hma a lo lak tawh ṭhin na te tarlangin, LESDE department hmalakna in Nurse 16 Japan ram a an thawk mek a. Tunah hian Japanese Language training mek 40 chuang an awm thu a tarlang bawk. NSDCI training centre te amah ngeiin a tlawh tawh thu leh hmalakna te sawi lang in, ṭhalai ten a hma kan sawn theihna tur te, Japan ram aṭanga kan entawn tur tha te entawn a hma kan sawn zel theihna tur kawng hrang hrang te sawiin kalkhawm te sawmna leh fuihna thu a sawi a; NSDCI te hmalakna hi Ministry of Skill Development and Entrepreneurship te hmalakna a nih thu a tarlang bawk a ni.
He programme-ah hian B.Sc Nursing, GNM, ANM, GDA leh Geriatric caregiver course zirzo tawh leh zir mek te lo kal khawmin ṭhalai mi 50 velin he hun hi an chhim thei a ni.
Attachment
- Loading attachment...
