2552/2024-2025

Dated Kolasib the 16th October 2024 : Central Sawrkarin a buatsaih Farmers Producer Organisation Scheme hnuaia loneitute leh loneitu enkawltu pawl hmasawnna huang 'Farmer Production Organisation' kalpui dan tur -District Level Committee for Central Sector Scheme (CSS) on Promotion of 10000 Farmer Producer Organisation chu vawiin khan Kolasib DC Pu Robert C. Lalhmangaiha  kaihruaina in neih a ni.

India Sawrkar laipui chuan kum 2025 February thla chhungin loneitute enkawltu pawl - Farmer Production Organisation (FPO) 10,000 chuang din hman turin hma a la mek a. Heng Farmer Production Organisation (FPO) te hian loneitu hrang hrangte suih khawm hna thawkin, loneitute an mamawh ngaihtuah hna thawk turin ruahmanna fel tak siam a ni a. Loneitute'n hlawk zawka thlai an thar chhuah theih nante, thlai hralhna kawnga loneitute puih kawng hna Farmer Production Organisation hian an thawk thin a ni.

Vawiina Kolasiba District Level Committee for Central Sector Scheme (CSS) on Promotion of Ten Thousand (10,000) Farmer Producer Organisation neihna ah hian Kolasib District chhunga Farmer Production Organisation-te leh Agro-Based Department-te bakah Bank Manager-te'n Sector Scheme (CSS) on Promotion of 10,000 Farmer Producer Organisation kalpui zel dan tur chungchang sawi hona an nei a. Kolasib District chhunga Loneitute'n man man zawka thlai thar an hralh dan turte, thlai chi tha zawk neih dan tur leh loneitute thlai thar tualchhungah a tam zawk a thlen theih nan hmalak dan tur sawi hona neih a ni a. Kolasib District chhunga Farmer Production Organisation din tawh te'n an hmalakna te he hunah hian an hmang nghal bawk.

Tun dinhmunah Kolasib District chhungah Farmer Production Organisation engemaw zat leh Implementing agency pahnih NERAMAC leh NAFED awmin an hnuaiah CBBOs pathum clover Organic, kaviyastri foundation leh Doric multimedia an awm mek a ni.

Vawiin thuthkhawmna ahhian DC bakah Nabard Manager, Pu Jubilee Traite, SBI Lead Bank Manager Pu Lalnunpuia, DAO, DHO, DAH & VO, DFDO, ARCS, Cooperation Department, Kolasib District te Senior Scientist & Head, KVK, Kolasib District Project Director, ATMA,leh Kolasib District FPO aiawhte an tel a ni.