Vawiin chawhma dar 10 : 30 khan AH&Vety Department te chuan an department hnuaia NLUP 1st Phase dawng tura Saiha khawpui chhunga mi thlanchhuah 411 hnenah NLUP Final & Last Installment an sem.

AH&Vety Department hnuaiah hian Saiha District chhung-ah NLUP Beneficiaries mi 777 an awm a, vawiin hian Saiha khawpui chhunga Beneficieries te hnenah chauh NLUP hi pekchhuah a ni.

He NLUP semna hun hi AH&Vety Department Office ah neih niin Dr C. Lalrintluanga, DAH&VO chuan heng NLUP dawngtu te hnenah hian a sem a ni. Saiha khawpui chhunga NLUP Beneficiaries hrang hrang sem dan chu 1) Diary-7 ah Rs 6,500/- theuh, 2) Poultry-130 ah Rs 24,437/- theuh, 3) Piggery- 234 ah Rs 35,423/- theuh leh Mithun-40 ah Rs 45,400/- theuh te niin avaiin Beneficiaries 411 hnenah NLUP hi sem a ni. Saiha District chhung thingtlang hmun kilkhawr zawk a mi 366 hnenah karleh lamah NLUP hi sem chhunzawm tum a ni.