Vawiin chawhma dar 10:30 khan Rashtriya Krishi Vikash Yojana ( RKVY ) hnuaia AH & Veterinary Department buatsaih Arvulh Training chu Farmer's Training Centre, Join Director Office Lunglei ah neih a ni.

He training ah hian District thum (3) Lunglei, Lawngtlai leh Saiha District atanga ar vulh tura thlante an kalkhawm a, training hi Dr. P.C.Lalsangzuala Vety Officer leh Dr. Thangzadinga Vety Officer ten an pe a ni.Tun tum a training ah hian Layer ar vulh dan bik zir niin a insak dan, enkawl dan leh a tui tir dan te chipchiar tak a inzirtir a ni. Layer ar vulh tur a thlan te hi Saiha ah mi 3, Lawngtlai ah mi 3 leh Lunglei District ah mi 35 anni a, heng mite hian training an neih fel hnuah ar note 500 theuh an dawng ang a, a in sakna tur hmanrua, a enkawlna hmanrua bakah a chaw te an dawng tel bawk dawn a ni