Zan khat riak tura Aizawla vawiina lo thleng, India High Commissioner to Bangladesh Pu Pankaj Saran chuan Chief Minister Pu Lal Thanhawla chu a chenna bungalowah hmuin, inkawmna hun tha tak an nei.

High Commissioner leh Chief Minister te hian Bangladesh leh Mizoram sorkarin ramri a insumtawnna tur chungchanga hmalak dan turte an sawi a ni. Pankaj Saran hian naktuk lamah Governor a hmu bawk ang a, Trade & Commerce Minister Pu Lalrinliana Sailo pawh hmuin, Chief Secretary leh Director General of Police te pawh a hmu bawk ang. Zing tukthuan ei pahin Mizoram Chamber of Commerce leh Industry te nen inkawmna an nei bawk dawn a ni.