Nimin khan DVO Office Mamit-ah AH & Vety Department hnuaia NLUP dawngtute hnenah NLUP 2nd Instalment sem a ni. He NLUP 2nd Instalment semna kaihruaitu Dr. Lalnuntluanga Colney, DVO Mamit chuan NLUP dawngtute an tih that zawk theih nan 2nd instalment hi tum 2-a pek chhuah tura ruahman a nih thu a sawi a, 3rd instalment tur pawh sum awm sa tawh niin Finance department lamin an pek chhuah veleh sem leh a nih tur thu a sawi bawk a ni.

He hunah hian vawk 1 insure na turin Rs. 390 cut anih thu sawiin department lamin an buaipui dawn a ni, a ti. Tun tumah hian Mamit Centre huamchhunga khaw 12 a vawk vulh tur chhungkua 108 leh ar vulh thlang tu chhungkua 25 te hnenah sem niin vawk vulh thlangtu hnenah chhungkaw 1 tan vawk note (a pui tur) 2 leina tur leh a chaw leh bungrua lei nan Rs. 14,250/- theuh pek an ni a. Ar vulh thlangtu chhungkaw 25 te hnenah chhungkaw 1 zelah ar note 150 leina tur leh a chaw man a tan Rs. 15,000/- theuh pek an ni bawk. Vawiin hian West Phaileng-ah 2nd Instalment hi sem leh tura ruahman a ni bawk.