AH & Vety Department Serchhip chuan mipuite leh ran vulhtute tan theihtawp chhuahin hma an la mek zel a, District chhung khaw hrang hranga rante chiu vek an nih theih nan hma an la mek zel.

February 2019 chhung hian Serchhip Distrcit chhunga khaw hrang hrangah ran hri leng laka inven nan hri danna (vaccine) hmangin vawk, bawng, lawi leh sial chiu runpui an nei a. Tunah hian vawk pul hri danna SF Vaccine in vawk 2369 an chiu tawh a, FMD Vaccine in bawng leh sial 209 a thlawnin an chiu tawh bawk.

Kum 2013, 2017 leh 2018 bawra PRRS natna hri leng avang khan Mizoram pumah vawk 11079 an thi a. Heng vawk thi te avanga ran vulh tute hloh zat chu Rs. 1062.866 lakhs a tling hial a. Chung ran thihna chhan ber PRRS hri an kai vang mai nilovin vawk pul hri (Classical Swine Fever) an vei tel vang a ni tlangpui a ni. Chutiang anih avang chuan Department chuan vawk pul hri dannaa ram chhung vawk zawng zawng chiu vek turin hma a la ta a, ran chiu man pawh la lovin a thlawn vekin an chiu sak a ni