Vawiin chawhma dar 11 khan AH & Vety Serchhip District leh State Implementation Unit (SIU) NPBB tangkawp chuan Ah & Vety Dispensary, Serchhip P&E Vengah Bawnglian vulhtute tan Fertility Camp an buatsaih.

He hun hi Dr. Lalmakthanga, Fodder Development Officer, Serchhip District chuan kaihruaiin, bawnglian vulhtuten hun awl an neih loh zia hre reng chungin bawng vulhtute hlawkna tur anih beiseia he hun hi buatsaih anih thu a sawi a. Serchhip khaw chhungah hian bawnglian vulhtu mi 32 awmin vawiinah hian mi 19 an tel thei chu lawmawm a tih thu a sawi a, an bawng vulh ten tha takin no nei sela, a hlawknate lo tel belh zel se tih hi an duh ber a nih thu a sawi bawk.

He hunah hian Dr. B. Lallawmsanga leh Dr. H. Vanlalrawna, Veterinary Officer chuan Kalkhawmte hnenah Bawnglian enkawl dan tur, a in sak dan tur leh an in thlahpuna, bawng vulhtute ten hlawkna nasa zawk an lo neih theih dan turte zirtirna an pe a, chawhnu lamah bawnglian vulhtuten harsatna an neihte a hmuna kal chilhin, enkawlna ngaite an enkawl sak nghal a ni.