Vawiin chawhma dar 11 khan DFO Office chamber ah Champhai District Level & Monitoring (Green Mizoram) Committee chuan Champhai a Green Mizoram Day a thingphun tawh te endik dan tur relin an thukhawm.

Meeting hi DFO Pu VL Chuailova'n kaihruaiiin kal khawmte lawmna thu sawi pah in Mizoram ah kum 1998 atang khan Thing Phun din uar kum hi tan a ni tawh a, mumal zawkin 1999 ah Green Mizoram tih hming pu in Mizoram sawrkar in a din a nih thu a sawi a. Khawvel in thingphun a uar tak avanga Ozone pawp kan tih thin pawh tunah chuan a phui tan tawh khawpa a lawmawm rualin a aia hlauhawm zawk Global Warming in khawvel a tuam mek thu sawiin chumi ah chuan keini pawhin he Global Warming hi a lo kiam deuh deuh theih nan hma kan lak ve a tul a ni a ti.

Committee chuan thingphun sa te enkawl that a nih zel thehna turin endik nise a ti a, a endik tur te a hlawm a then niin a rang thei ang bera heng thingphun sa te hi endik tura tih a ni.

Attachment

  • Loading attachment...