Vawiin khan AH&Vety Department, Serchhip District buatsaihin Khumtung Community Hall-ah Awareness Campaign – cum - Animal Health Camp buatsaih a ni a, he hun hi Aizawl West-II Assembly Constituency bialtu MLA Pu Lalruatkima'n MLA Model Village atana Khumtung khua a thlan denchhena AH&Vety. Department hmalakna a ni.

Awareness Campaign – cum - Animal Health Camp hi hun hnih ah then niin chawhma lamah ran enkawl dan chungchang inzirtirna hun (awareness campaign) hman a ni a; he hun hi Dr. Lalnghinglova, DVO, Serchhip District chuan kaihruaiin Pu H. Lalthakima, Khumtung Village Council President in thu a sawi a, Dr. Biaklianzuali, V.O., Chhingchhip in Vawk leh Kel vulh leh enkawl dan zirtirna a pe a, Dr. Lalsanglien Ralsun, V.O., Serchhip hnen atangin Bawng leh Ar vulh dan tur dik zirtirna ngaihthlak niin, Dr. Lalmuanpuia Samte, V.O., Thenzawl hnen atangin vawk chaw atana changel up hmin dan zirtirna ngihthlak a ni bawk. Hriatthiamloh leh hriatchian duh te inzawhfiahna hman a nih bakah ran damdawi leh ran enkawl dan zirtirna bu a thlawnin sem a ni bawk a ni.

Chawhnu lamah a thlawna ran entirna hun buatsaih niin ran vulhte ran hridanna a chiu (mass vaccination) beihpui thlak nghal a ni bawk. Khawtlang mipuiin he hun hi an hlut hle a, hetiang hun buatsaihtu AH&Vety Department, Serchhip District chungah Khumtung khawtlang hruaitute an lawm hle a ni.