Vawiin chawhma dar 10:30 khan Saiha District AH& Vety Department chuan NLUP 2nd Phase-a Piggery trade thlangtu chhungkua 110 te hnenah Final Installment atan Vawk note 4 leh tangka fai Rs. 30,550/-theuh an sem. NLUP 2nd Phase-ah hian Piggery Trade thlangtu chhungkua 598 zingah chhungkua 82 tih lo chu NLUP tanpuina pek vek tawh an ni a. Heng chhungkua 82 pahnih te pawh hi February thlachhunga pek hman an tum.

Vawiin NLUP semna inkhawm tawi DVO Office kawta neih hi Dr. PB.Chhetri, DVO in a kaihhruaia, Pu Beila Khithie Addl. DC chu khuallian niin he hun hi a hmanpui a ni. Pu Beila chuan Kuthnathawktute leh miharsa zawkte khaichhuah nana sawrkarin programme hrang hrang a duan te zingah NLUP ang tluka chhenfakawm hi a la awm lo a ni, a ti. Sawrkar atanga malsawmna an dawn te chu leirem rahpui ngei turin beficiaries kalkhawm te chu taima tak leh rinawm taka thawk thin turin a chah bawk.