Vawiin zing dar 9 : 30 Am khan Sawrkar laipui programme Faina Beihpui “Swachh Bharat” kal zel bawhzuina programme pakhat “National Cleanliness Day-2015” chu Saiha-ah Tlawmngaipawl lianber Mara Thyutlia Py (M.T.P) Gen. Head Quarters, Saiha leh District Education Office te huaihawt in Saiha-ah hman a ni. He Ni hmanna hnatlang neih hma inkhawm tawi Saiha Bazar Trafic Point-a neih chu Pu T.Chatlua, President, MTP, Head Quarters, Saiha in a kaihruaia, Pu S.T. Zaduna, District Education Officer, Saiha chuan thuchah tawi sawiin Faiina pawimawh zia leh Faina hi Pathian kan an teuhna ber thu sawiin; Pathian ang tur chuan pawnlam faina aimahin chhunglam faina hi a pawimawh zawk a. kan pawnlam pawh kan fai thei lo chuan chhunglam fai chu thil har tur tak a ni . Chuvangin kan pawn lam tal hi in ti fai phawt i la, ti chuan chhunglam pawh kan lo fai anga, min siamtu pathian kan ang zual sauh sauh dawn a ni; a ti. changkang leh changkang lo tehna bakah hriselna atan pawh a pawimawh ber chu Faina hi a ni, a ti bawk. 

Faina Hnatlang a thawk chhuakte hi Group-7-ah inthen darhin an tihfaina hmun tur a hnuaia mi ang hian siamsak an ni a. Group tinah hian M.T.P. Hruaitute chu Leader atan ruat an ni bawk. 1. Civil Hospital ; 2. Nursing Home ; 3. Bus Station ; 4. Gov’t Higher Secondary School ; 5. District Playground ; 6. Meisatla ; 7. A.O.C. Petrol Pump.

Hnatlang a thawkchhuak te hi an thahnem hle a School naupang pawh an zirtirtute nen thahnem tak an tel a ni.