Vawiin khan Agriculture Department hnuaia NLUP dawngtute tan Agriculture Conference hall, Lunglei-ah ‘Training & Sensitization Programme’ buatsaih a ni a, he hun hi Agriculture Directorate atangin Joint Director Pu Lalrinliana’n a hmanpui.

Training & Sensitization Programme-ah hian Lunglei leh a chhehvel khua atangin mi 80 chuang an tel a. NLUP sum hmandan leh hmalak dan turah harsatna an neih thinte chu loneitute leh Department thawktuten an sawiho a ni.

Ni 14-30 January 2015 inkar khan Agriculture Department, Lunglei chuan mi 1587-te hnenah NLUP tanpuina an sem zo a, hmun 13-ah semna neiin sum semnaah hian training an pe nghal zel bawk a. Vawiin a training hi Lunglei DAO Pu J.Rothanga leh SDAO Pu Ngurrinsanga te pawhin an hmanpui a ni.