Vawiin khan Industry Sector hnuaia NLUP 2nd Phase 3rd Installent chu Lunglei South leh Thorang Cluster-a trade hrang hrang thlangtute hnenah DIC Conference Hall-ah sem a ni a. He training leh tanpuina sem inkhawm hi Pu Lalnuntluanga, General manager, DIC Lunglei-in a kaihruai a, Pu R.Lalsanga, IPO-in training leh technical report hun a hmang bawk. Khuallian Lunglei Addl. DC Pu F.Laldingpuia chuan beneficiaries-te hnenah tanpuina pawisa an dawn chhan ang ngeia hmang a, taimakna leh rinawmna nen eizawnna ngelnghet din theuh tura duhsakna a hlan a ni.

Lunglei South Cluster chhunga mi 79-te hnenah tanpuina cheque-in sem vek a ni a, a vaia belkhawmin Rs.23,90,000/- (Cheng nuai sawmhnih pathum leh singkua) a ni. Thorang Cluster chhunga mi 9-te hnenah pawisa faiin sem a ni thung a, pawisa faia sem zawng zawng chu Rs.2,72,000/- (Cheng nuai hnih sing sarih sanghnih) a ni. Cheque leh pawisa faia pek zawng zawngte hi mi 88 niin a vaia belhkhawmin vawiina tanpuina sum semchhuah tak chu Rs.26,62,000 a ni.

Vawiin vek hian West Tuipui Cluster huamchhunga beneficiary mi 68-te hnenah pawisa faiin Rs.19,97,000 VC House, Tlabung-ah sem a ni bawk a. Beneficiaries 5 (West Tuipui-4, Thorang-1) te chu an hmalakna mumal tawk lo avangin tanpuina hrensak rih a ni a, hma an lak chhunzawn dan a zirin pek ve leh tura tih a ni.

Tanpuina sem zawh hian Pu Zathangliana, NLUP Coordinator chuan lawmthu sawiin hun a khar a ni.