Tunhnaia NLUP Bawng lei dan diklo leh bawngte an hrisel loh vanga thi anga sawi chungchang chanchinbu thenkhatah pawl thenkhatte sawi tarlan chu AH & Vety Department chuan uluk taka chhuiin a hnuai a mi hi thudik a ni tih thuchhuah an siam :
1. Shillong atanga NLUP Bawng sem tur lei pui a, Beneficiaries te hruai tur Officer ruat chungchangah Minister an rawn loh thu an tarlang.
2. Bawng tam tham lei tur hian fimkhur a ngaih vangin Senior Officer pakhat bawng lei tur lo survey tur an ruat a, chu chuan khawtual mi leh bawng chungchang hria te puihna in an lo khalhkhawm thin.
3. Bawng phurh theih a nih hnuah Beneficiaries te hruaiin an duh an thlan tir thin. Heng bawng te hi Meghalaya sorkar Doctor ten an hriselna a tha tih an certified vek zel.
4. Bawng tha tak tak NLUP Scheme in a lei phak loh cheng nuai chuang man te pawh a awm a, hei hi Beneficiaries ten thawh belh an huam chuan lei tir phal an ni.
5. Shillong-ah duh ang zat bawng lei tur awm loh pawhin a bul hnai Nongpoh, Burnihat, Khanapara, Jowai, Khlehriat leh hmun dang dang ami pawh lei thin a ni.
6. Tunhnaia mi thenkhat leh pawl angte pawha thuchhuah siam tu ten bawng thi leh hrisello anga an sawi te pawh AH & Vety department chuan chhui chiangin, thu dik an hmuh te chu hetiang hian an tarlang bawk :
1) Ringliana, Durtlang ‘N’ hian bawng thi a tih hi thu dik lo niin, VFA 2 - Pu Berema leh Pu Sapthlenga te chuan a hralh tih an hmuchhuak.
2) C. Lalnunmawia, Durtlang ‘N’ hian bawng thi ve ve a a sawi hi, pakhat a hralh a, pakhat hi a la kawl a, a dam tha bawk.
3) Vanlalruata (Gitea) hian Shillong ah bawng lak tlak loh Doctor in an tih a la lui a, an thenawm ten an bawng tan tha dawn lova hriat avangin a ti ral.
4) Vanlalvuana hian a bawng 2 thi a tih hi VFA ten an chhui chian hnuah a bawng pakhat a hralh a, pakhat chu dam tha takin a la kawl.
5) Arjun Thapa in bawng pakhat thi, pakhat damlo a tih hi an pahnihin an la dam tha.
6) Maya Gharti bawng thi ve ve a report hi a pahnihin an la dam tha. Pu Lalruatkima, Selesih pawh hetiang bawk hi a ni.
7) Thangzuala, Dawrkawn bawng thi ni a sawi chuan a enkawl theih loh avangin a hralh ve ve tih a sawi.
8) Duhsangi, Mel 5 chuan a bawng pakhat thi, pakhat damlo tih an sawi chu dik lo a ti. A bawngte pawh an dam tha ve ve.
9) Lalthanzama, Durtlang Ramthar chuan Shillong atanga an hawn kawngah pakhat chu chesualin a nakruh leh ke ruh a tliah vangin a ti ral a, pakhat chu a dam that thu a sawi. Chutiang bawk chuan Chhuanliana leh Lalrohlui te pawhin chetsual vangin pakhat ve ve an ti ral.
