Vawiin chawhnu dar 1:00 khan AH & Vety  Serchhip chuan NLUP 3^rd & 4^th Phase-a an Department hnuaia  Vawk vulh thlangtute hnenah vawkte an sem. 

NLUP  Vawkte Semnaa  khuallian,  District Level NLUP Chairman leh District Bawrhsap ni bawk Dr.Lalrozama, IAS  chuan thusawiin, mirethei leh harsa zawkte dinchhuahna tura sawrkarin  ruahmanna NLUP a duang chu lawmwm atih thu sawiin, AH & Vety Department-a thawktute leh ran vulhtuten an ran vulh  enkawlna kawngah hlawhtlinna tha tak an neih theih nan thawh hona tha tak an neih zel a pawimawh  ani a ti. Vawiina AH & Vety Department   tualchhung vawk note ngei  an sem thei chu lawmawm a tih thu sawiin, ran vulhtute tan bul tanna tha tak tak ani a ti a. Ran vulhtute  chuan Departemnt mithiamte rawn thin tur leh leh an ran vulhte chu vantlang tana rimchhia leh hnawksak  ni lo tura enkawl ngun turin a  chah. Khuallian hian NLUP 3^rd & 4^th Phase-a vawk vulh  turten an hming  leh an Trade tarlanna  (Name Plate ) chu Beneficiary te hnenah a hlan a, vawk vulhtute  chuan hlawhtlinpui ngei turin duhsakna a hlan bawk. 

He hun hi Dr. Lalnghinglova, District Veterinary  Officer  in a  kaihhruaia, PRRS (Vawk hri leng) avangin hun rei tak chhung  NLUP-a vawk vulh thlangtute tana Sawrkarin hmalak a chawlhsan  hnua tualchhung vawk note ngei an sem thei chu lawmawm a tih thu a sawi a. He hunah hian Dr. Lalmakthanga, Fodder Development Officer, AH & Vety Department, Serchhip leh Village Level Monitoring Committee aiawh ten thu an sawi bawk. 

AH &Vety Department  Serchhip  hnuaiah  NLUP 3^rd  phase-ah  hian Beneficiary  267 leh 4^th Phase-ah Beneficiary -189 an awm mek a, a thawh khatna atana  Vawk vulh thlangtute hnena  vawkte sem chhuah hi 90 niin,  Beneficiary 30 te hnenah hian  Vawkte pathum(3) theuh a  sem a ni a, Vawk Note pakhat hi Rs. 5000 zel hisap a  tualchung vawkvulhtute  hnen atanga leisak anni.