Vawiin chawhma Dar 11:00 khan P&E Veng YMA Hall-ah AH & Vety Department Serchhip hnuaia NLUP 3rd & 4th Phase-a Ar Vulh (Poultry Farm) thlangtute hnenah Ar In sakna tur NLUP tanpuina sum sem a ni a, Ar In sak dan tur leh Ar enkawl dan tur Department mithiamten ziritirna an pe nghal.

Vawiina Ar Vulh tute hnena Tanpuina sum semna inkhawm hi Dr. R. Lalmakthanga, FDO, Serchhip in kaihhruaiin Serchhip khaw chhung VC hrang hranga Beneficiary te hnenah pek a ni a, an Bank Account-ah theuh thun sak an ni.

NLUP intiamkamna chhiarchhuah niin Beneficiary ten an hming an ziah hnan vek bawk. Dr. H. Vanlalrawna, Vety Officer Serchhip in Ar In sak dan tur leh Ar enkawl dan tur ah zirtirna a pe a, zawhna leh chhanna hun hman ho ani bawk.

Vawiin vek hian Chhingchhip leh E.Lungdar khuaah AH & Vety Department hnuaia Ar vulh thlang tute hnenah tanpuina sum hi sem ani bawk a, Chhingchhipah hian Dr. Lalbiakzuali Vety Officer, Chhingchhip hova hman niin, E.Lungdarah hian Dr. Rosangzuala Vety Officer, N.Vanlaiphai hova hun hman ani thung.

Tun tuma AH & Vety Department Serchhipin NLUP tanpuina sum an sem hi a vaiin, Rs. 30,60,000 (Nuaih sawmthum singruk) niin, 3rd & 4th Phase, Beneficiaries 12 te hnenah Rs 30,000 theuh leh tanpuina sum sem hmasaka tanpuina hmahruai Rs. 10,000 lo dawng tawhtu mi 135 te hnenah Rs. 20,000 theuhin an Bank Account-ah thun sak an ni.

NLUP tanpuina sum hi hmun dangah pawh sem chhunzawm zel tura ruahmanna siam a ni.