No.3070/2020-2020

Aizawl, Tue, 14 June, 2020: Animal Husbandry & Veterinary Minister leh Board chairman ni bawk kaihhruaina hnuaiah vawiin khan SEDP hnuaia AH&Vety, Fisheries and Sericulture Board meeting neih a ni.

Minister Dr. Beichhua chuan natna hrileng avanga Board hmalakna a khaihlak hnuah Line Department, AH & Vety hnuaiah kum 2019-2020 financial year hluia mi tur SEDP Pilot Project kalpui chhunzawm thei tur chu lawmawm a tih thu sawiin, COVID-19 hrileng avangin kut kuangkuaha awm reng thei an nih loh thu leh phai atanga sa lakluh a harsat tak avangin ei leh bar lama Mizoram intodelhna atana Board hmalakna hi COVID-19 hrileng dona chi khat a nih thu a tarlang.

SEDP Board chuan COVID-19 natna hrileng avanga kum 2019-2020 financial year atana tanpuina sem tura a lo ruahman tawh chu a tawpsan lailawk hnuah AH&Vety department hnuaia Pilot Project a ruahman, ar vulh- broiler leh rainbow rooster vulh tanpuina bakah vawkvulh tanpuina sem tumin hma a la zui leh mek a ni.

Board Vice Chairman Pu C.Lalmuanpuia, MLA pawhin thuchah sawiin, rileng avanga Board hmalakna a bahhlah hnuah hma an la chhunzawm leh thei tur chu lawmawm a tih thu sawiin, Mizoram mihring tlemte awmna, ei leh bara intodelh chu an thil duhber a ni, a ti a. Official leh board member te pawh lungrual taka ke pen pui atan a sawm nghal.

Fisheries Department lam pawhin tun dinhmunah SEDP hnuaiah Sangha chaw leh sangha chi za zela 50 subsidy in District hrang hrangah a sem chhuak mek bawk a ni.