No.3069/2020-2020

Dated Serchhip, the 14th July, 2020: Vawiin chawhnu dar 2:00 khan DC Meeting Room, Serchhip ah District Bawrhsap Pu Kumar Abhishek, IAS hovin Beti Bachao Beti Padhao chungchangah meeting neih a ni.

Bawrhsap Pu Kumar Abhishek chuan Serchhip Districtah BBBP scheme kalpui ani chu lawmawm a tih thu a sawi a, BBBP hi central sawrkar hmalakna pawimawh tak a ni a, ho lam taka tih mai mai tur a ni lova, hna kan thawhna kawngah theuh pawh thahnemngai taka thawh a ngai a ni, a ti.

Pu Denny Lalchhuanawma, SDC, Nodal Officer chuan BBBP hmalakna chungchang a sawi a. Mizoramah chuan Serchhip leh Siaha District ah BBBP hi kum 2018 atanga kalpui tan anih thu sawiin, kum tin BBBP hnuaia hmalakna tur hmachhawpte siam thin a ni a, chung an hmachhawpte chu tluang taka kalpui zel anih thu a sawi.

Kum 2020-2021 chhunga hmalakna tur Annual Action Plan an siam tawh chu sawrkar laipui pawhin a pawmpui tawh a, District Task Force Meeting-in a pawmpui tura chhawp chhuah niin 1st Phase atan Rs. Nuai 25 leh 2nd Phase atan Rs. Nuai 25 avaiin Rs. Nuai 50 chu Committee hian a pawmpui nghal a ni. Ni 24th June, 2019 a National Task Force meeting in a lo rel tawh, BBBP logo fiahfai tha takin sawrkar pisa hrang hranga tar chhuah tura tih chu Programme Management Unit in an lo buatsaih anga sawrkar pisa hrang hrangah tar chhuah tura tih a ni. Heng bakah hian BBBP hmalakna tura thawhpui tur leh mawhphurtu tur ruat chhuah nise tih a ni a, department kaihnawih te leh Programme Management Unit in hma an lo lak chhunzawm anga, chawlhkar hnih chhungin an hmalak dan tur leh sum leh pai mamawh turte District Task Force Committee Chairman hnenah an theh lut leh ang.

He hunah hian Nl. V.Lalruatsangi, Women Welfare Officer, Nl. VL Remruatpuii, District Coordinator, Mahila Shakti Kendra te bakah, Pu PC Laltanpuia, Addl. SP Serchhip leh member dangte an tel a ni.