Vawiin khan AH&Vety Minister Pu Nihar Kanti Chakma office chamber-ah AH&Vety Deparment officer ten ‘Departmental Review Committee’ an nei a, Deputy Director chin chunglam leh District Vety Officer leh General Manager te he meeting-ah an tel a ni.

He meeting Pu Nihar Kanti Chakma kaihhruaiah hian AH&Vety Secretary Pu T.Sangkunga’n department hmachhawp hrang hrang a sawifiah a. An sawiho pawimawh te zingah NLUP kalpui mek chungchang te, ranchaw hniarhnang zawka dehchhuah te, Dry Rendering Plant chu mimal kuta hlanchhawn dan tur te, Lunglei-a rantalhna hmun siam te a tel a, 12th Five Year Plan chhunga department hmalak dan turte ruahmanna uluk takin an duang bawk.