483/2023-2024

Champhai, the 17th May, 2023: Animal Husbandry & Veterinary (A.H &Vety) Department hotute chuan vawiin khan tunhnaia vawk pul hri African Swine Fever (ASF) avanga vawk engemawzah thihna Champhai District chhunga Ngur leh Zote khuate an tlawh a, vawk natna ASF hrileng avanga ranvulhtute harsatna tawh dante zirchiangin an enfiah a, hrileng darh zel loh nana hmalak zel dan tur inzirtirna hun an hmang bawk.

He hunah hian A.H &Vety Department Directorate Aizawl atangin Dr. Lalrinawma, Joint Director, Livestock Health, Dr. M.Zohmingthangi, Deputy Director, Disease Investigation & Epidemiology leh Dr. C.Neihthangpuii, Veterinary Officer, Disease Investigation Laboratory-te an tel bakah Champhai atangin District A.H & Vety. Officer Dr. B.Lallawmsanga leh a thawhpuite'n an tawiawm bawk a ni.
 
Chawhma lamah Zote-ah hun hman niin chawhnu lamah Ngur-ah hun hman a ni a. ASF Awareness Campaign neih nghal niin, vawk thi sawngbawl dan leh inven zel dan tur te, ASF  hmundanga a darh zel lohna tura hmalak ho zel dan turte zira inrawnkhawmna neih a ni. Inrawnkhawmna leh inzirtirna hun buatsaih hi Dr. B.Lallawmsanga, DVO Champhai chuan kaihruaiin Dr. Lalrinawma, Joint Director, Livestock Health-in sawihawnna neiin, Mizoram chhunga vawkte'n natna hri an kai tawh dan leh vawkvulhtute tawrhna tawh dante a tarlang a. Dr. M.Zohmingthangi, Deputy Director, Disease Investigation & Epidemiology-in ASF chungchanga hriattur pawimawhte leh invenna chungchangte power point presentation hmangin a pe bawk. 

Zirhona neih zawh hnu hian sawihona hun hlawkthlak tak neih chhunzawm niin, he hunah hian vawkvulhtute bakah VC leh NGO te an tel a ni.


Attachment

  • Loading attachment...