No.984/2020-2020

District A.H & Vety Officer Dr. Lalnghinglova chuan ni 5th May, 2020 khan a hnuaia mi ang hian hriattirna a chhuah :

Tunlaia North East State thenkhat Assam, Arunachal Pradesh ah vawk hri hlauhawm tak African Swine Fever nia rinhlelh a leng mek a, he vawk natna hian Mizoram alo thlen ve loh na turin theih tawpa kan lo inven lawk angai a ni. Heng ahnuaia point hrang hrang tarlan ang hian theihtawp chhuah a hma la turin District A.H. & Vety Office, Aizawl hnuaia thawktu zawng zawng te kan in hriattir e.

1. Doctor, Field Staff leh thawktu dang zawng zawngte mahni hnathawhna hmunah awm vek tur a ni. Loh theih loh thil a mahni hnathawhna chhuahsan ngaite chu hotute hnenah dan anga phalna lak hmasak ngei tur a ni.

2. Officer zawng zawng ten mahni huam chhunga entry point zawng zawng a Task Force / Police / AR duty te hnenah Covid-19 atana an duty pangngai bakah African Swine Fever kan thenawm state-a a len mek chungchangte hrilh hriat a, he hri hi kan rama a lo luh lohna tura khauh taka vawk / vawksa leh vawk atanga thil siam reng reng Mizoram chhunga lakluh anih lohna tura khauh taka hma min lakpui tura ngen tur a ni.

3. Department Field Officers leh Staff ten vawk vulhtu te a tam thei ang ber ASF natna hlawhawmzia leh tunlaia kan State thenawm he hri ni a rinhlelh len thu leh fimkhur a ngaihzia hrilh hriat ni se.

4. Vawk damlo leh thi (unusual sickness & death) a awmin a rang thei ang ber a report a, sample collect tur a ni.

Vawk damlo leh thi report chungchangah chuan Mizoram Sorkarin ni 13.10.2017 a Gazette Notification Chapter II, Section 3(a), (b) and Section 4(1), (2), (3), (4) of the Prevention and Control of Infectious and Contagious Diseases in Animal Act 2009 angin report pek vat tur a ni.

5. Department Farm chhungah hri a luh loh nan bio security measure a hnuai ami ang hian khauh taka kalpui tur a ni.

a. Vawk Farm a hnathawk ni lo tumah farm chhunga luhtir loh tur a ni.

b. Ran In leh a vel fai taka vawn a, disinfectant hmanga tih thianghlim reng tur a ni.

c. Disinfectant Solution-foot dip englai pawhin gate leh ran in luhka tinah a awm reng tur a ni.

d. Ran enkawltute farm pawn lamah a tlem thei ang ber chhuah ni se, vawk farm dang leh mi vawkin phei chu tlawh miah loh tur a ni.

e. Heng kan sawi bakah hian Farm Managers ten an theih tawpin ran himna turin hma an la tur a ni.