Vawiin chawhnu dar 1:00 khan AH&Vety Complex, Serchhip ah AH&Vety hnuaia NLUP 2nd Phase beneficiaries Serchhip, Chhiahtlang, Sialhau leh Hriangtlang khua a vawkvulh thlangtu chhungkaw 31 hnenah 3rd /final installment Rs. 20,550/- theuh pek an ni a, tanpuina sum hi beneficiary te bank account ah dahluh sak nghal vek an ni.

Vawiina NLUP sem programme hi Dr. Lalnghinglova, DVO, Serchhip hova hman a ni a, beneficiary te tan hian ranvulh chungchang inzirtirna/Training buatsaih nghal niin, NLUP hmalakna a harsatna an tawh leh a hlawhtlinpui dan tur te zau taka sawiho a ni.

Tun tuma NLUP sem hi 2nd Phase beneficiary ten tanpuina an dawn kimna tur a ni a, vawkvulh thlangtute hian a vain Rs. 1,00,000/- theuh an dawng kim ta a ni.

Naktuk February ni 11, 2015 hian Lungpho leh Khawlailungah te NLUP 2nd Phase 3rd Installment hi sem chhunzawm a ni ang a, February ni 12, 2015 ah East Lungdar leh North Vanlaiphaiah te sem chhunzawm zel tura ruahman niin February ni 13, 2015 ah Bungtlangah sem niin karleh lamah Chhiungchhip, Baktawng leh Thenzawlahte sem chhunzawm tura ruahmanna siam a ni bawk.